Harsat tuar pawl pawlkom in Tokyo Olympic ah sui tacik ngah July 30, 2021

Harsat tuar pawl pawlkom in Tokyo Olympic ah sui tacik ngah

July 30, 2021

            Atu Japan ra, Tokyo khuapi ah 2021 Olympic zuamawk nak tuah rero a si. Leilung pumpi ih ram a phunphun ih lek tu pawl an khawm aw. Mai hmailam nunram himnak hrang um nak hmun a tan tu harsat tuar pawl khal an tel. Harsat tuar lektu pawl cu olympic zuamawk nak ih an tel thok nak cu Rio de Janeiro ih tuah mi 2016 ah a si. Tuikum Tokyo Olympic zuamawk nak ah harsat tuar 25 an zuam ding a si. Anmah pawl cu an hmun le ram tan in ram a phunphun ih a tlan tu harsat tuar pawl zaten aiawh tu an si. Ruahsan nak khal an nei vivo ding. Ziangruangahtile leilung pumpi ih lektu pawl hnen an ram, khuapi, khua pawl ihsin tha an pek ding a si.

          Anjelina Nadai Lohalith cu Sudan thlanglam nunau pakhat asiih, ral ruangih a tlan tu pakhat asi. Amah cu an ram ih a tlan ihsin thokin tuini tiang a nu le pa thawn an tong aw thei hrih lo. A tui Tokyo Olympic ah cun amah cu nunau meter 1500 zuam awk nak ah sui tacik a ngah. Mary Natukoi Victor cu Anjelina Nadai Lohalith ih nute a si. A tunu ih thu thawn pehpar aw in a nute in uang zet in zoh thiam tlak a si tiin a sim. Amah ruangah a nute cu thil tampi ah a thleng aw, a hnen ihsin a zir. A nute hman hau hak deuh lai sisehla amah vekin lek thiam si ding ah hnget zet in thu a bot cat ding. Amah ruangah a nute in a fa le pawl lek tu si dingah tha a pek thu, an nau nu cawng dingah, a nuncan cawng dingah, ziangruangahtile leilung pumpi ah khual a tlawng thu, leilung pumpi khal in an u nu zoh dingah a zirh ringring thu a sim.

            Raltlan Olympic lektu a dang pakhat cu Paulo Amotun a si. Anih khal Sudan tlanglam ihsin ral buai nak ruangah an ram cu a nau nu Regina thawn an tlan. A nau in a u Olympic zuam awk nak a feh hlan ah ziangtin a ruah thu, ziang tin thlacam sak a duh thu an suh nak ah Marathon zuamawk nak ah sinak thate ngah dingah thla a cam thu, cutiin a ngah asile an unau ten an lungawi ding thu, a u pa hnen zuam dingah a forhfial ih, Pathian in lam hruai in, thazang pe in, hlawhtling nak pe dingah thla a cam sak ding thu a sim.

            Pope Francis cu tuletu lek tu pawl thawn pehpar in tha a pe theu. Cutivekin lektu pawl khal harsat nak pawl ton caan ah a har nan zuam nak thawn pehpah in zohthim tlak pawl an si thu, tahthim nak ah a tui Olympic zuamawk nak ih a tel tu raltlan harsat tuar pawlih nunram zoh asile a tui an hlawhtling nak cu ziang tluk in an pe aw ih, ziangtluk ih a tum mi hlawhtling nak a si thu an lang ter. An zuamnak, hlawhtling nak pawl cu an feh duh nak a si thu an lang ter. An zuam nak, hlawhtlingnak pawl cu an feh duh nak colh hmun thleng dingah a feh nak ah sawm nak a um thu, cui zuam nak pah ding a si thu, hitivekih si dingah lek tu men siin a daih lo thu, tuar mi harsat nak pawl, nun thap nak pawl pah hnu lawngah nunram ih a thupi mi colhhmun ah thleng ding a si.

            Cutivekin mai ban lomi khal theih thiam ding a si. Mai neih mi thiam nak rikhiah mi khal pom thei ding in zuam ding a si. Raltlan harsat tuar pawl Olympic pawlkom cu raltlan harsat tuar pawl zaten aiawh tu lelungpi parah harsat nak karlak zuamnak thawn an pah rero thu ruah nak nei vivo dingah an rak tuah thei. Harsat tuar pawl khal thazang, ruahsan nak pawl a cang ter. A tu Tokyo Olympic zuamawk nak ah raltlan harsat tuar lek tu pawl khal hmun pakhat ngah dingah aveikhat nak an zuam. Himi thuthang cu Rome Reports thuthang ihsin kan don mi a si.

Rome Reports - https://bit.ly/3Ca6L9D