Holy See Mission in Geneva ah thlacamnak thawn pumkhawm in remdaihnak ni (World Day of Peace) tuah. (January31, 2023)

Holy See Mission in Geneva ah thlacamnak thawn pumkhawm in remdaihnak ni (World Day of Peace) tuah. (January31, 2023)

          Tui kum ih leitlunhuap remdaihnak ni vei (57) nak tuahnak ah, Cardinal Miguel Angel Ayuso Guixot in remdaihnak nunphung um theinak le a tha deuh mi leilungpi dinnak dingah technology lam thansonak thawn cui ni hrang Pope Francis ih thucah mi a rak ruat.

          Kumtin tuah theu mi puai, tui kum 15 nak ah Geneva khuapi ih um Holy See’s Permanent Mission ih hohanak thawn an rak tuah ih ambassador pawl, ramhuap thawn pehpar mi pawlkom ih hotu pawl le biaknak lam pawlkom phunphun ih ai-awh tu pawl an rak tel.

          Holy See’s Mission ih tarlang mi ah Arabic, Chinese, French, English, Russian, le Spanish tong pawl thawn ruahsalnak le rawi aw in caanserh an rak tuah ih St. John XXIII Parish ih African le Filipino choir pawl in awn-mawi thawn an rak awi.

          “Cu lai ih biaknak phunphun ih mikhual pawl cu thulhfau kung thawn remdaihnak hrang zuamnak langternak ah laksanwg an rak pek,” tiah thuthang ah tarlang a si.

          Bishop Charles Morerod, OP, Lausanne ih Bishop, Fribourg, le Geneva ih Bishop ih hruai mi netabik thlacamnak theh ah Parish hall ah cui puai ih tel tu pawl mikhualnak an rak tuah.

          Hi thuthang cu Vatican News ih kan ngah mi a si.