Hong Kong Catholic Diocese hrangah Pope Francis in Bishop thar pakhat ret. May 20, 2021

Hong Kong Catholic Diocese hrangah Pope Francis in Bishop thar pakhat ret.

May 20, 2021

            Hong Kong Catholic  Diocese cu Bishop um loin an um nak kum 2  hrawng asi zo nan a tu ah cun Pope in Bishop pakhat a ret sal zo a si. A ret mi Puithiam cu Jesuit kaingsungih  Puithiam asiih kum 61 a si zo mi Fr.Stephen Chow a si thu, a tui Bishop tiin khaisang a si tiang Fr.Stephen cu Tuluk ram Jesuit kaing ih Puithiam tiin tuanvo nei tu a si tiin an sim. "Hong Kong cu ka suah nak leiram a si. Ka duh zet mi ka thanlain nak hmun a si" tiin Fr.Stephen in a sim.

            Bishop Stephenih  a hmaisabik a tuah ding mi Pathian hnatuan nak ih a tuanvo cu Hong Kong Catholic pawl karlak lungrual nak din dingah a si thu, Beijing le biak nak lam zalen nak a tuah rero tu pawlkom le mai duhduh ih a um duh tu pawl pawlkom tiin pawl kom pahnih an then thu, Beijing hrangah a sim tu pawl an siih, sumdawnnak ah a lar tu Carrie Lam le Jimmy Lai an pahnih cu Catholic an si thu, biaknak lam zalen nak humhim in tong nak thu cu a tu caan ah tong ngam lo ding dinhmun thuhla pawl a si thu, biak nak lam zalennak cu a hrampi caan tha a si. Cozah thawn kan ton awk tikah biaknak lam zalennak hngilh lo dingah ka pek ding a tul tiin a thar khaisan mi Bishop Stephen in a sim.

            Biaknak lam le Ram khel lam sawm nak cu nikhat sungih tuah ding mi program sungah niitn titluk in a lu bik ih a tel mi thu tuah dingmi tong thie lo dinhmun tiang a har mi Diocese hnatuan cu Fr.Stephen in a tong. Himi thuthang cu Rome Reports thuthang ihsin kan don mi a si.

Photo courtesy of South China Morning Post

https://bit.ly/3oBjKuG