Hrem nak le zuam tai nak pawl tih hlah uh. June 21, 2020

Hrem nak le zuam tai nak pawl tih hlah uh.

June 21, 2020

          Pope Francis in Christian pawl hnenah leitlungpi le Pathian thuthangtha kan hlawm tik ah tawhawk nak, hrem nak le zuamtainak pawl tih lo in sual nak kha tih sawn dingah in rak forhfial a si. “Zuam tai nak a tuartu dungthluntu pawl cu Bawi Jesuh in ruah nak tha a rak pek.

          Ruangpum a that tu kha tih hlah uh, thlarau a that thei tu kha tih sawn uh,” tiin Pope Francis in St. Peter tualrawn tlun ih sangkaate in a rak sim.

          Angelus thlacam hlan ah Pope Francis ih Pathian thuthangtha sim nak ah duh lo na cing ih fial nak, hrem nak le cawl ding ih in ti tu pawl tih a tul lo thu a rak sim.

          Pathian thu zir nakah Pope Francis in Jesuh Khrih ih dungthluntu pawl hnenih 'tih hlah uh' tiih a rak forhfial nak cu ruat tlang dingah a rak hril.

          Pope Francis in, “Leilungtlun ah tu tiang ah hin Christian pawl hrem an tuar nak thu a rak sim. Cu mi pawl cu duhdawt nak le Pathian thuthangtha hrangah harsat nak an rak tuar. An mah cu tu lai san ih martyr pawl an si,” tiah a rak sim.

          Kan mah cu Pathian thawn pumkhat kan si nak cu zohman ih lak sak a ngah lo thu cu hi tin hnget zetin a rak sim. Mi hrem tu pawl in kan thlarau an do thei lo.

          Bawi Jesuh ih dungthluntu pakhat si nakih tih ding mi cu, “Pathian thawn in nel aw ter tu Pathian ih laksawng thlau thlak nak, Pathian thu vek ih nun nak cawlh nak, cui hnu ah sual nak ih that lo nak a si mi thih nak ton ding pawl lawng kan tih a tul a si.

          Hremnak thawn pehpar in a sim bet mi cu, “Bawi Jesuh ih dungthluntu cu a mai zum nak le Pathian ih tongkam ruangah huat tuar nak dinhmun cu a takih a um thu a rak sim.

           Bawi Jesuh in a dungthluntu pawl hnenah Pathian thuthangtha cu luangluu par ihsin mi tampi theih thei dingih than dingah a rak forhfial.

          “Thinlung tlaitluang nak, kan teette khan nak ih ngam huai nak, midang hnen ih Bawi Jesuh hmuh nak le that nak tuah ringring nak in kan zum nak teette khan ding cu a thupi zet.

          Bawinu Maria hnen ih kan cam theu mi thlacam nak Angelus cam thehah ram hrekkhat Argentina le American pawl ih tuah mi Pa pawl upat nak pek Ni le Pa pawl ruah san in an hnenah nelawknak thawn thla ka lo cam sak. Pa pakhat si hi thil ol sam a si lo ti cu nan zaten nan thei theh ko ding. Curuangah tu ni ah an mai hrangah thlacam sak uh,” tiah a rak sim.

          A thupibik in Vancungram in kanmah in kilkhawitu kan pupa pawl mangsal cio uh si. Cui hnu ah mithianghlim Aloysius ih puai ni a si vek in mino pawl hnenah theihter awk nak a rak nei. “Mino pakhat cu Pathian le a innhnen a duhdawt nak thinlung thawn pulhnat a tuar tu pawl a kilkhawi ruangah kum no ten Rome khuapi ah a nunnak a rak cem. Leilungtlun ih um mi mino pawl cu St. Aloysius hnenah a rak ap ih thla a rak cam thu a rak than.

          Leilungtlun ih harsat nak a tuar tu pawl hngilh lo nak ni-ih a thai sun ah Pope Francis in Coronavirus pulh nat le a that lo nak ruangah harsat nak a tuar tu pawl a vun mangsal.

          Coronavirus ih harsat nak a tuar tu pawl in an mai upat tlak si nak le humhim nak ngah dingah humhim sak ding a tul thu sim phah in zum tu zate khal that hnem nak a um mi apawk nak thawn tharthawh nak ah tel tlang uh si. A thupibik in a nasa zet mi harsat nak ruangih a tlan rero tu pawl humhim nak ah tel ve cio uh si tiih a sawm thu a rak sim.

          Hi pulh nat cu kan mah le kan kiangkapih peh tlaih nak kha in ruat ter sal a si. Rikhiah thawn toihvah nak daan ruangah thlisia, thawm vang le lamzin hnok nak pawl a mal ter.

          Tu-ah cun cang vaih nak an thok salnak thawn thinkhat, lungkhat in um tlang thei nak inn hmu ding ah tuanvo kan neih thu sim phah in Pope Francis cu a thusim a rak cawl a si.

          Hi thuthang cu June 21, 2020 ah Vatican thuthang in kan ngah mi a si.

https://bit.ly/2BCY4dk