Hungary le Slovakia ram pawl in Pope Francis ih a tuukhaal khual tlawng dingah an ruahsan July 4, 2021

Hungary le Slovakia ram pawl in Pope Francis ih a tuukhaal khual tlawng dingah an ruahsan

July 4, 2021

          Pope Francis in tui a ra ding mi September thla (12-15) tiang Hungary khuapi Budapest le Slovakia ram ih a tuukhaal khual tlawng dingah a si. Cu mi hrangah Slovakia mi pawl le President Zuzana Caputova pawl in an rak hmuak ding a si. President in ‘buainak tampi le harsatnak pawl a tong rero mi kan ram ah Pope ih tlawnnak in remawksalnak ruahsannak a keng ding’ tiah a rak sim.

          Pope in Zarhpi ni Angelus thlacamnak cam theh hnu ah St. Peter tualrawn ah a thleng tu Slovakia ram ih khawmzawhtu mipi pawl hnenah Budapest le Slovakia ram ah a tuukhaal khual a tlawn ding thu a than ih khawmzawhtu pawl in ram ih aalaan siseh zabeng nak thawn an rak hmuak. Europe ih tuanvo nei tu Stefan Bos in ‘Slovakia Catholic pawl pawlkom in Pope in an ram a tlawn ding thu mipi theih ih a than tikah St. Peter tualrawn ah a rak hmuh mi lungawinak vek in Slovakia ram ah a thleng’ tiah an sim.

          Slovakia ram ih ramdang minister Ivan Korcok khal in Pope Francis in Slovakia ah a tuukhaal khualtlawnnak cu ‘Slovakia ram hrangah sunloih tlak zet mi khualtlawnnak a si. Cu vek in covid pulhnat karlak ah hnemnak pakhat khal a si’ tiah a rak sim. Hi mi thuthang cu Vatican thuthang ih kan ngah mi a si.

https://bit.ly/3jXAb4u