India ah Catholic phunsangtlawng cu covid damter nak hmun tiin ong.

India ah Catholic phunsangtlawng cu covid damter nak hmun tiin ong.

            India ram, Kolkata ih St.Xavier Catholic phunsangtlawng cu covid nat suan nak a um le um lo zoh khan mi pawl ret nak tiin an ong sak. Himi phunsangtlawng cu Jesuit Puithiam pawl tuanvo nei pawl in an ong. Phunsangtlawng ih kilkhawitu asimi Fr.Felix Faj, S.J. in harsat zonzai khua pawl ih innsang pawl cu inn fate takah an um ih, an nai awk tuk thu, curuangah rinhleh mi inn ih um hnakin a tuvekih tuahsak mi inn ih um cu nat neih pang asile suanaw sal lo dingah kilhim nak asi ding thu, mipi pawl ih nat tuar nak cu mah thawn a pehpar aw lo vekin zoh men ding a ngah lo thu, St.Xavier phunsang tlawng cu mipi pawlih harsat nak pawl a bom ringring thu hitivekih ongnak thawn pehpar in an sim.

            St.Xavier phunsangtlawng cu rinhleh mi mina khan 3 cu ihkhun 90 thawn Asansol Diocese ih bomnak an ngah ih, an tuah vivo ding a si. Himi hmun cu nat check nak hmun a si. Nat an neih lawngah siizung ah an kuat ding a si. Harhdam nak thawn pehpar ih ret dingmi thilri pawl cu ih khun, Oxygen dawng, nat hrik thahnak, Nurse le Siibawi pawl in an kil sak ding.

            Calcutta tiih mi theih tam mi hmun Kolkata ah a tui a cang sal mi covid natsuan awk nak cu India ah mi tam nak a siveikin nat suan awk daan khal a rang. Kolkata ih a um mi Bengal nitlak nak lam ah May 13 ah ni khat vial ah natsuan a tuar tu mi na thar 20839 an um. India ah natsuan a tuar tu an tam tuk ruangah ih khun, thawthawt nak thilti, oxygen dawng daih awk lo nak a cang. Nat nak ruangah a thi tu mipum cu Delhi le Bengaluru khuapi pahnih lawng hmanah meiur in vui aw ding hmanah an hngak aw.

            India ram ah natnak thawn nunnak a cem tu mipum nikhat sungah 3500 hrawng an si thu, nat nak thawn a thi tu zaten cu 262000 an zo thu, himi cu cazin thawn thaten an thuah thei hrih lo a tam khal an tam lai. Leitlun harhdam nak pawlkom ih sim rel theinak a nei tu Tarik Jasarevic in atuvekih mithi an tam nak cu India ram ih hmuh mi covid 19 nat phun thar ruangah a si tiin a sim.

Photo courtesy of: Shutterstock

https://bit.ly/2RdLedR