India Carmalite pawl in kum 20 sungah minung 40,000 Baptism pek. (June 10, 2022)

india_thlanglam_ih_carmelite_puithiam_pawl_in_kum_20_sungah_minung_40000_baptism_pe

India Carmalite pawl in kum 20 sungah minung 40,000 Baptism pek.

(June 10, 2022)

                       Order of Discalced Carmelite (OCD) riantuantu pawl cu India ram thlanglam, Andhra le Telangana ramthen pawl ih rian an tuan hnu kum 20 sungah minung 40,000 luan Baptism an rak pek. Rian an rak tuan thoknak kum 20 sung ngah mi ah Khammam hmin thawn Diocese thar pakhat an rak din.Cu mi cu June 08 ih tuah mi Carmelites Mission ih Golden Jubilee ih tarlang mi sungah pakhat a si ve. Hyderabad ih Archbishop Anthony Poola, Khammam ih Bishop Maipan Paul, Warangal ih Bishop Udamala Bala, Eluru ih Bishop Polimea Jayarao le Kurnool ih Apostolic Administrator, Monsignor Anthonappa Chowrappa pawl tla cui caanserh ah an rak tel.

          Bishop Paul in kum 50 kim Jubilee tuahnak ih thupit zia a rak langsar ter ih Gospel Thuthangtha ih man hlat zia pawl tel in ziaza lam thawn pehpar ih thlun ding mi pawl, remdaihnak le nunphung pawlkom sung rualremnak pawl a rak langsar ter. Khammam, Palvancha ih Our Lady Shrine ah Deacon 6 Puithiam sinak khal a rak pek. “Hotu Puithiam pawl in rothil pawl an rak taanta ih a thar pawl in an riantuannak an tuan bet ding,” tiah Bishop in a sim.“Hriakculh mi pawl cu Bawi Jesuih Thianghlim Thinlung ih Tuukhaaltha pawl an si ih an mah cu Bawi Jesuh thawn khualtlawn tlangnak ah kum tampi timtuah cia tu pawl an si,” tiah Bishop Paul in a rak sim.

          “Nuamnak hi thilri, technology (lo le) a remcang mi pakhat khat ih kan nomnak parah a bun aw lo,” tiah a rak sim bet. “Mipi pawl khawm in mipi thatnak hrangah fimnak kan pek,” tiah Bishop Paul in hriakculh zo mi Puithiam thar pawl ralrinnak a rak pek.  “Pathian ih zaangfahnak, lainatnak le duhdawtnak thawn pawlkom le mipi pawl kan nunram ih lamhmuh dingah tui ni ah Puithiam pakhat ah ka cang zo,” tiah Puithiam thar, Fr. Joachim Bandi in a rak sim.

          India ram, Andhra Pradesh ramthen ih um Discalced Carmelites ih Mission tumbik a si. Hi mi cu Kerala ramthen ih Manjummel ramthen, Discalced Carmelite Pathian riantuantu 3,1971 ah Bhadrachalam miphun zone hrawngin a rak thok. OCD Pathian riantuantu pawl cu Andhra Pradesh le Telagana ramthen 12 sungin Diocese 10 ah an darh aw. Khuate 250 cu an kaihhruainak thuai ah an um.

          1990 hrawngah OCD riantuantu pawl cu khua le ram thawn pehpar mi hnatuan pawl an rak thok. Mission pawl cu thuthangtha cangvaihnak pawl thupit ih tuahnak le Catholic zumnak ah innsang thar sinak pawl ruangah cui hmun sung hnatuan pawl finkhawmnak ah caan a rak rei deuh. Tu ahcun, pawlkom phunphun pawl sungin major seminary ih riantuantu 34 le minor seminary ih riantuantu 36 an um.

          Farah harsa pawl (Telegu medium) hrang tlawnginn 7 a um ih tamsawn cu cui hmun ih um mipa le nunau hrang fimthiamnak sawmdawl dingah a tlai deuh mi pawl thleidannak hrangah 1970 hrawngah an rak thok. Farah harsa mi nauhak pawl nunram thiamnak pawl tha deuh dingah le tha deuh ih fimthiamnak zirh dingah boarder 9 a um ih cu mi ah minung 250 an um.

          Tlawng kaitu 250 cu Mount Carmel Boys Town ah innsaknak, electric le pumcawmnak lam thawn pehpar ih zirhnak pawl le India acozah ih nemhngetnak thawn tidai paih tuah daan an rak zirh. A liam zo mi kan sunloih tikah, a ralai ding mi caan hi thazaang ah a cang ih a tui caan hi cu sunloih ni ah a cang. Golden Jubilee hi tui kum ih lungawi thusimnak a si. Ziangah tile lungawi thusim ding tampi kan nei,” tiah ramthen hruaikaitu (Provincial Superior), Fr. Jayaraju Bollikonda OCD in a sim.

          Hi thuthang cu RVA thuthang ih kan ngah mi a si.  

https://bit.ly/3QdaJFH

Add new comment

1 + 9 =