India Carmelite Pathian riantuantu pawlkom kum 50 ah mi ting 1 Baptism an pe (June 10, 2022)

India Carmelite Pathian riantuantu pawlkom kum 50 ah mi ting 1 Baptism an pe

(June 10, 2022)

            "Carmelite pawkom" tin ko in a tawi zawng in OCD tiih kawh mi Pathian rian tuan nak pawlkom cu India ram ih thlanglam Andhra le Telangana ramthen sung kum 50 Pathian rian an tuan ih cumi kumsung mipum ting 1 Baptism an pe thei. Pathian rian an tuan nak khalah Khammam tiih kawh mi Archdiocese pakhat khal an din thei. Himi hminsinnak lung cu Carmelite riantuan tu pawlkom Puithiam pawlih Golden Jubilee caanserh ih sunloih tlak pakhat a si thu, India ram ah Carmelite pawlkom riantuan nak Golden Jubilee kumkim June 8 ah an tuah.

            Cui Jubilee Missa raithawinak ah Archbishop Anthony Poola, Bishop maipan Paul, Bishop Udamala Bala, Bishop Polimera jayarao, Msgr.Anthonappa  Chowrappa, Kulnool Diocese hrang Pope aiawhtu tiih timi Puithiam pawl an tel. Bishop Paul in kum 50 sung pawlkom ih tuanthei mi pawl a sim ih hleiah pawlkom ih zuamnak thawn Gospel ih man, nuntuzia, remdiahnak le pawkom sung rem awk nak pawl khal a sim ih lungawi thu a sim.

            Palvancha, Khammam ih Bawinu lungdawl ah Deacon 6 hnen khal kumkhua Puithiam sinak a pek thu, kum upa zo Puithiam pawl cu ro an tan zo ih Puithiam thar pawl pehbet in hmainor in tuan dingah dungsip loin tuan ding asi thu, Thianghlim sahriak culh mi pawl cu Jesuit pawkom ih thinlung thawn an bang aw ding. Bawi Jesuh thawn leitlun ah feh thei dingah kum tilai rei rem an si. Pathian riantuan pawl nunram ah lungawinak cu sumsaw tampi neihnak, fimnak pawl, nuam zet ih umnak nunram ah a hmun lo.

            Pathian minung pawl ih thatnak hrang hlan in minung pawl khawm ding. Fim zirh ding tiin a sim. Thar zet ih ordination ngah tu Puithiam  pawl cu Devanandam, Joachim Bando, Ratnaraju Abbadasari, Ravileja le Vijay Talari pawl an si thu, Pathian thluasuah, zangfahnak le duhdawtnak thawn mi pawl rian dingah nunnak pe in Puithiam kan cang tiin Puithiam thar Joachim Bandi in a sim.

            India ram ramthen tambik a simi Andhra Pradesh cu Carmelite rian tuan rero tu Diocese asiih 1971 ah Carmelite Puithiam 3 ih an thok nak a si. India ramsung an zungpi bik cu Kothaqudem a si. A tu ah cun Diocese tampi a thang thei zo thu, cumi apwl cu Andhra Pradesh le Telangana ramsung Diocese 12 sungih Diocese 10 ah tian an tuan. Anmah pawl cu khua 250 an kilkhawi thu 1990 ah Carmelite riantaun pawl cu cui hmun ih Pathian kawhnak pawl ngah dingah an zuam.

            Gospel thu phuang nak pawl ah ahleice ih an tuan ruangah cui hmun in Pathian kawhnak thang dingah malte a rei thu, cutivekin Kohhran sung tel thar pawl an si ruang khalah cohlang thei loihli dingah hngak nak khal a si thu, a tuah Carmelite Puithiam tuan ding Dacon 34 an um ih, a hrampi brother 36 an um thu, harsa tlawngta pawl tlawng kai thei dingah tlawng 7 an phuan. Ahleice in a hla ih harsat nak hmun ih nauhak pawl ih fimzir nak hrang tumtah in phuan asi thu, nunau mipa border 9 a um ih, nunau, mipa 250 pawl tlawng an ret thu,

            Anmah pawl cu hnon tuar, hrial tuar nauhak pawl an si. Anmah pawl hrang fimnak pawl, thiam nak pawl, thil tuah daan pawl an zirh. Tlawng suak mino 250 cu an mah ten ding thei dingah nuntu khuasak nak tlawng pawl asimi lothlo, electric, ti hawl nak thilzir nak pawl cu India cozah ih theih pit nak lethmat pawl cu border ih an suah thu, a liam zo mi sunloih asile hmailam cu thazang asi ding. Cutikah a tu caan cu lungawi za a si. Golden Jubilee puai cu thluasuah lungawi thusimnak kum a si. Ziangruangahtile lungawi thusim ding tampi a um ih cui hmun ih upa Fr.Jayaraju Bollikonda in a sim. Himi thuthang cu RVA thuthang ihsin kan don mi a si.

https://bit.ly/3mQaNh4