India Catholic ruangrai mawi Telangana laksawng pe December 7, 2021

India Catholic ruangrai mawi Telangana laksawng pe

December 7, 2021

           India lek thiam khal siih, ruangrai mawi pakhat asimi cu Telangana laksawng pek a si. Himi laksawng cu November 26 ah sunloih a si. Amah cu Telangana ramthen in asiih, ramthen ih hmin a ti mawi ruangah laksawng an pek nak a si. A hmin cu Alica Joe a si. Himi laksawng a ngah nak cu mipi ih me pek nak parah bun aw in hril mi sunloih a si tiin an sim.

           Laksawng pek mi ih an ngan mi cu Pathian hnen lungawi thusimnak, kum 22 rei zuam asi hnu atuvekih laksawng a ngah ruangah a sunglawi tuk. Sun khal sunloih a si thu, hlawhtling nakih a rah co thok a si thu, a nu le pa hnen khal a lung awi thu, an thazang pek nak lawngin himi lamzin a feh thei thu, a miphun pi pawl thawn a lungawi thu, ziangruangahtile an me pek nakih hril nak ruangah a ngah thu, a leh nakah a sungkhat, a rualpi thenkhat in thanau dingin sim rel tu pawl an um thu, a tu himi laksawng peknak in sunloih a theih zo.

           Amah cu amah rori a lek vekin Joe leknak zir nak zuamnak tlawngih uk tu le lam hmuh tu a si. A ruahsan nak cu a thiam nal mi suak dingah a si. A tu ah tlawng ah mi 40 luan lam hmuhnak a neih rero thu le tlawngta pawl cu kum 3-15 pawl an si. Wushu lek zuam awknakah amah cu leitlun in number 5 nak a si. Lek zir nak a hoha nak cu nunau pawl mahlemah humhim aw thei dingah a si. Himi laksawng pek nakah mi raltha pawl ih an hang ziang hman a ruat lo tu pawl, pawlkom pawl hnen an zuam nak ruangah sunloih a si.

           Himi laksawng cu thuhla 2 thawn sunloih a si theu. Achievers le Emerging laksawng tiin kawh a siih, thuhla a phunphun ah lek thiam nal pawl pek a si theu. Amah cu a pahnih nak phun a dong. Amah cu India ram thlanglam, Golconda, Hyderabad ih St. Micheal Diocese in a si. Amah cu St. Ann college ah sumdawn nak lamthawn tlawng a theh. Amah cu 2019 India Catholic Bishop pawl ih pek mi laksawng khal cui kum ih October 17 ah a ngah. Amah cu a thiam famkimmi lam hmuh tu le hoha tu pakhat khal asi tiin an sim. Himi thuthang cu RVA thuthang ihsin kan don mi a si.

https://bit.ly/3rTQpj0