India Catholic Sister pakhat nunau pawl thawn pehpar mi daan a tuah thei hrangah sunloih a si. (December 7, 2021)

India Catholic Sister pakhat nunau pawl thawn pehpar mi daan a tuah thei hrangah sunloih a si.

(December 7, 2021)

            India ih Catholic Sister pakhat khal a siih, tlunlam upa khal ah sim rel thei nak a nei tu khal a simi Sister cu nunau pawl a dangten daan cauk kha hmaisabik a suai thei ruangah sunloih nak an pek. Sunloihnak capi cu a tlunlam upa aiawh tu tuanvo neitu pawlkom in Sr.Jessy Kurian hnen an pe. Amah cu India ram ah himi laksawng a hmaisabik a ngah tu Catholic Sister a si. Atuvekin theihpitnak a ngah ruangah diriam za a si thu himi laksawng a ngah nak thawn pehpar in a ruah nak a sim.

          Himi laksawng peknak caanserh cu India ram ih a hrampi daan langter mi ni November 24 ah tlunlam upa lam in an tuah. Cui cauk cu 2009 ah suah in an darh ter zo. Cui cauk pakhat cu sinak sangzungih thuthen tu asimi Ms.Shela Dikshit hnen siseh, Delhi ih daan hrampi thawn pehpar mi pawlkom hnen khal an pe. Sister amah rori khal mi malsawn pawlkom commission ih pawlkom sungtel khal a si.

          Cauk sungah nunau thawn pehpar mi India ram ih thuthennak zung a phunphun ih theihpit nak pawl a tel. Cauk an suahnak cu nunau pawl fimthiamnak zirh dingah le anmah pawl ih caantha le hmuhsuam an tuar tikah daan thawn thu pek theinak dan pawl theih ter dingah a si tiin an sim.

          Himi sunloihnak capi peknak cu mi pakhat hrang lawng lungawi nak pek nak siloin atuvekin ca ngan in nunau pawl hnen khal fimnak pek nak le anmah pawl ih caantha kau zetin tuahnak cu thapek nak langter nak a si tiin khal cui Sister in a sim. Himi cauk cu a ca thawn cozahih lungkim pi mi fimnak peknak program asiih tumtah mi cu cozah asi lo mi ram mi sinak covo pawl nunau pawl hnen zumnak thawn pek nak a si.

          Sister cu hnon tuar, tan tuar mi nunau pawl hnen bomnak pe tu khal a si. Amah cu cauk fate 17 a ngan ih, cauk 3 le nunau pawl, nunphung, daan thu pawl thawn pehpar aw in ca 300 luan a ngan ih Indian Currents, The new leader le Matters India pawl ah langter mi khal a si. Himi thuthang cu RVA thuthang ihsin kan don mi a si.

https://bit.ly/3Dy9Obr