India Catholic Sr. pawl ih Mortorcycle thawn Pathian hnatuannak. (August 24, 2020)

India Catholic Sr. pawl ih Mortorcycle thawn Pathian hnatuannak.

August 24, 2020

          Sr. Shobka Rani cu a motorcycle to in nitin ten a tuah theu vekin hramlak ih feh dingah a tim a tuah. India ram nisuah nak lam Guwahati Diocese sungah a si. Sr. cu cycle thawn hramlak ih um mivai pawl bawm dingah a feh theu. Pumcawmnak ding a rem nakih a vai tu pawl in a bom nak an tul.

          Electric um lo, harhdamnak zung a um lo bet hlei ah kum no teih kutsihnak a um rero ih cangan le casiar tla an thiam lo. Nu le Pa pawl in nauhak pawl cu an thlah men. An Lo pawl ramsa in an siatsuah sak theu.

          Zaangfah lainatnak hnatuannak Conregation pakhat ih Sr. Rani in tlawngta 100 ca zirh a ih nupi pawl khal innsungsang harhdamnak khal tha ten a rak zirh. Mina pawl a kilkhawi ih a hrek cu Siizungah a kuat hai.

Kan dung rei lo te ah kumhra a si mi naute pakhat cu thingkung par in a tla ih sizung ah a feh pi. Cui hlei ah Sr. in sumpai lam a sim ih tlawngta pawl Cazirnak Tlawngih kuat dingah a rak sim.

          Covid caan sungah innsang 320 a rak bawm thu an hotu Sister in a rak sim. Hi khua ih Missa san ding a cang thei lo nain Rosary an cam tlangih Pathian thusim tu Saya pawl in an hoha tiah kan thei.

          Zaan ah ramsa pawl in harsat nak an pek ruangah cu mi humhim nak dingah Solar meisa pawl ngah dingah Sister in a rak tuah sak. Tlawngkai a duh zet nain a kai thei lo tu pawl hrangah Boarder pakhat Sister pawl in an rak din tin kan thei.

https://bit.ly/3hycKdR

https://bit.ly/3aYnH67