India Christian hruaitu pawl in President thar in daan hrampi tampi a thanso pi ding tin ruahsan. (July 24, 2022)

India Christian hruaitu pawl in President thar in daan hrampi tampi a thanso pi ding tin ruahsan. (July 24, 2022)

            July 21 niah , Draupadi Murmu in mi tampi thawn pehtlaih aw thei ding mi India ramih President nunau a pahnihnak hril suak a si. Murmu cu India ram ih President a vei 15 nak a si vekin July 25 ni in tuanvo a la thok thlang ding. Kum 64 a si zo mi Murmu in a dang miphun le a mai miphun hrangah thudik thawn a din pi ding tin ruahsannak kan nei tiah Father Nicholas Barla, CBCI ih secrety in a sim.

            Ram mipi pawl, hmun tinih ziang siar lo mi pawl hnatuan nak le tuantheinak peknak ngahtu pawl in President thar a si mi Murmu  parah ruahsannak an neih thu Divine word ih tuanvo neitu Puithiam in sim nak a nei. CBCI ih Sister Lalita Roshni Lakra in miphun le hnam lawng ruat lo in an tlan lennak a si mi Leilung, thingkung le Tidai lamah tha pek deuh a tul thu a sim.

            Murmu parah miphun thaten kaihruai dingah le nauhak le nunau humhim ding khal ah ruahsannak kan nei tiah Nunphung pawlkom le Daughter of St. Anne Ranchi sungtel a si mi Lakra in a sim. Cutivekin Biaknak lam hruaitu tampi khal in Murmu President ih hril a sinak parah an hmuh dan an lang ter. Thuthang lamih tuan rei upa, minung covo lamih cangvaitu , Catholic mi menmen a si mi John Dayal in Murmu in Biaknak malsawn a simi Muslims, Christian le hnam thenthek nak thleidannak tuah lo in rampi daan hrampi parah felfai ten tuah ding khalah a ruahsan thu a sim ve.

             Kan dung kum reilote ih a cang mi Muslim le Chirstian  pawl ih tuahmawh awknak an ton mi le Hindu miphun pawlkom pawlih ruahnak luar pawl le hnatuan man a hleiih ngah tu pawl hua dingah a si. Biaknak lam ih mipum mal sawn donak parah napi ruah a tul thu a sim. Divine word  Archbisho John Barwa in mitam pi in um hmun ngah dingah Murmu hnenah an ruah san thu, a tambik in Odisha hmun in an si thu a sim.

             Murmu cu 1958, June 20 ah Mayurbhanj district of Odisha ah a rak suak. Ram khel lamih hna a tuan a luh hlanah Murmu cu Tlawng ih zirhtu le Odisha ih Professor khal a si. Amah cu Siipin ah ruahnak petu pakhat dinhmun in a tuanthok ih Legisstatile Assembly ah member pakhat dinhmun in time 2 nak a tuan hnu ah, Odisha in minister din hmun khal in a rak tuan.

 Cun kum 2015-2021 ah Jhar khanel ramthen ih ramri lam uktu dinhmun in a rak tuan. Hi mi thuthang cu RVA news in kan ngah mi a si.

https://bit.ly/3oqJxXd