India ih Archbishop Andrews Thazhath cu evnakulam – Angamaly Archdiocese ih Diocese tuanvo nei tu tiin tuanvo pek. (July 30, 2022)

india_ih_archbishop_andrews_thazhathangamaly_archbishop_ih_diocese_tuanvo_neitu_tin_tuanvo_pek

India ih Archbishop Andrews Thazhath cu evnakulam – Angamaly Archdiocese ih Diocese tuanvo nei tu tiin tuanvo pek.

(July 30, 2022)

            Pope Francis cu Eunakulam – Angamaly Archdiocese ih Bishop Antony Kariyil ih hnatuan nak in cawl dingah a dilnak a cohlangih, Archbishop Andrews Thazhath cu a tu Diocese tuanvo nei tu tiin a pe. Thuthan mi ngaingai cu Archbishop ih innpi umnak St.Thomas ihsin tikcucaan 3:30 ah an than. Diocese ih tuanvo nei tu tiin riantuan tu ding Archbishop cu Trichur ih Archdiocese ih uktu tin khal rian a tuan bet ding tiin an sim.

            Diocese ih tuanvo pek asinan Archbishop cu Archdiocese ih uk tu tuanvo a tuan ding. Asinan Cardinal Mar George Alencherry cu Eunakulam – Angamaly ih Archbishop hnatuan a tuan bet ding. Diocese tuanvo cu Vatican aiawhtu asiih thil pakhat khat tuah nak ah kum upa Archbishop thawn Synod pawl thawn relkhawm lawngin a tuah ding.

            Archbishop Antony Kariyil cu nemhnget cia mi a kum a kim ih cawl loin Syro – Malabar daan hrang Vatican ihsin an nemhnget vekin Missa kha bangran ten tuah nak a um lo ruangah thuthlun loin a colh nak a si. A bang aw mi Missa tuahnak cu dinhmun a phunphun zoh hnu 2021 ah than in hman ter a si. Asinan Puithiam pawl lam le Ernakulam ih Kohhran mipi pawl lam cu Cardinal ih sim ding a si.

            Archbishop Andrews Thazhath cu 1951, December 13 ah a suak ih, 1977 March 14 ah kumkhua Puithiam sinak a ngah. Canon daan ih doctor buaih a ngah hnu Trichur Diocese sungih hna tam pi a tuan. 2004, March 1 ah Trichur Diocese ih bawm tu Puithiam tiin ordination a ngah sal. Kum 3 a rei 2007, March 18 ah cui Archdiocese ih Bishop a cang.

            A tuah amah cu Synod ih tuanvo nei tu tiin khal siseh, nunphung lam commission ih president tiin khal siseh, fimthiamnak commity sungtel tiin khal siseh rian a tuan. Amah cu nisuahnak lam daan ih Bishop pawl pawlkom ih aiawhtu pakhat khal a siih, Ernakulam – Angamaly thu thawn pehpar khal in amah thawn tong aw in thu an rel tlang. Himi thuthang cu RVA thuthang ihsin kan don mi a si.

https://bit.ly/3oKPf6p

Add new comment

11 + 4 =