India ih Pathian thusimtu saya kum 55 Pathian rian a tuan hnu ah nunnak cem.

India ih Pathian thusimtu saya kum 55 Pathian rian a tuan hnu ah nunnak cem.

           Jajati Nayak cu a kum 72 kum 55 rei India nisuah nak lam Odisha ah Pathian thu simtu tiin rian a tuan hnu December 17 ah a nunnak a cem. Amah cu Bhubaneswar ih AMR siizung ah lungnat thawn zanlam 10:20pm ah a nunnak a cem.  “Jajata Nayak cu Cattack Bhubaneswar Archdiocese ah kum reibik Pathian thusim tu tiin kan ron mang ding tiin Berhmapur ih Bishop Sarat Chandra Nayak in a raihsiat nak thu a sim.

          Amai kai hruai nak tangah Kerubadi ih Christmas nunram ralthat nak tha cak nak  le Sister pakua khal an um ih, a fanu Sr.Anjali Nayak, Carmelite Sisters of St.Teresa (CSST) le Puithiam paruk a naupa Fr.Dusmant Nayak pawl khal an tel. “Jajati in mission hna a tuan nak ah thu dik a phuang” tiin amah vuinak hotu Cuttack Bhubaneswar Archdiocese ih vicar general Fr.Pradosh Chandra Nayak in a sim. Jajati cu 2000 kum ah Khristo jayanti Archdiocese ih tuah mi Jubilee ah Pathian thu sim tu 414 lak ah a tha bik Pathian thusim tu laksawng cu Cuttack Bhubaneswar ih Archbishop Raphael Cheenath in a pek.

          “Innsang hrang lawngih tleunak siloin society hrang khal tleunak a si. Taksa lam in kan hnen ah a um lo nan, Kohhran ih a rian tuannak thawn thlarau in in umpi ding tiin Gopalpur ih Anjelo Ranasingh in a sim. A fanu upa bik Anjali Nayak in ka fa cu nauhak pawl duh zet tu le thlarau lam raltha dingih zirh tu asi tiin a sim.

          Jajati cu siizung ah a um ih Adventu zarhli nak zarhphi ni ah thlacam nak thu thawn pehpar in a sim. A nunnak a cem hlan te ah phone thawn khua ah ralthat nak thawn thlacam nak in hoha dingah a dil. Nayak in Pathian thudik cu kum 55 rian a tuan nak ah a rak phuang. “Zarhpi ni thlacam nak le feast day tinten thlacamnak a hoha ringring ih nauhak pawl hnen Pathian thu zirhnak le nitin ten mino pawl forhfial nak a nei” tiin cui khua ih a cawl zo tu saya Libero Nayak in a sim. Kohhran ih mi tampi in Jajati Nayak ih nunnak cem nak parah an riahsiat nak an lang ter.

https://bit.ly/3PVQ09O