India ih um Diocesan Puithiam pawl (CDPI) in Ranchi ah National Conference tuah.

India ih um Diocesan Puithiam pawl (CDPI) in Ranchi ah National Conference tuah.

          India le Nepal ih Apostolic Nuncio, Archbishop Leopoldo Girelli in India ih Diocesan Puithiam pawl ih vei (19) nak national conference (CDPI) cu Feb 14, Ranchi ih the Social Development Centre ah an rak tuah. Feb 14 ih a nilinak conference cu zaanlam 4:30 pm ah an rak tuah thok ih, Bishop Varghese Chakkalakal, Calicut le CDPI ih Patron Bishop le cui hmun ih Bishop pawl, Fr. Michael Ani, CDPI president, le CDPI secretary, Fr. Charles Leon pawl thawn Ranchi ih St. Mary’s Cathedral ah Nuncio Leopoldo ih hohanak thawn Missa raithawinak an rak tuah.

          Ram tluan ihsin Puithiam 150 hrawng cu “Expanding our Pastoral Tents for Communicating Jesus Story” ti mi theme thawn conference ah an rak tel. Nuncio in thuthangtha a sim mi sungah “thosal mi Bawipa thawn bulpaak ih ton mi harsatnak in mitin hnenah le kan fehnak tinkim ih Pathian thuthangtha phuannak ih teette pawl si cio dingah thazaang in pek.

          “Pawlpi in an zumnak khualtlawnnak ah Emmaus ih dungthluntu pawl thawn Bawi Jesuh vekin tuah a tul,” tiah pumkhawm aw mi Puithiam pawl hnenah a rak sim. Hi thureltlangnak ih a nihnihnak cu thulu 2 thawn: Bangalore ih Deputy Secretary General, Stephen Alanthara ih ‘Communicating Jesus Story in light of the CCBI Plenary Assembly 2023’ timi thulu le Ranchi Youth Director, Fr. Sumit Xalxo ih hruaikainak thawn khua pakhat ih ton mi ihsin “Jesus Story among tribal communities” ti mi thulu pawl an si.

          A nithumnak le a nilinak pawl sungah, presentation pawl, group ih ruah tlang mi pawl, a langsar mi thuhla pawl, hlawmawknak, le cangvaihnak pawl cu a tanglai mi cangvaihnak pawl an si.

          Hi thuthang cu RVA thuthang ih kan ngah mi a si.

https://bit.ly/40Xersx