India Jesuit Puithiam bike accident in nunnak cem.

India Jesuit Puithiam bike accident in nunnak cem.

           Fr Arun Bara SJ (1989-2023) cu Puithiam sinak a ngah pek mi a si ih January 10 ah India ram Chhattisgarh’s Jashpur district ah lamzin ih bahnak ruangah nunnak cem. Fr Arun ih motorcycle cu India ram Chhattisgarh ramthen kunkuri khua kiangah zanlam nazi 4 hrawngah truck pakhat thawn an taih aw. Amah cu Kunkurin ih Holy cross Siizung ah besia dinhmun in a thlengih Siibawi pawl in a nunnak a um nawn lo tiah an sim.

           Fr Arun Bara SJ cu kum 2009 June 29 ah Jesuit ah a lut ih 2011 June 21 ah a hmaisabik thukamnak a la. Kum 2022 October 26ah Puithiam sinak a ngah. Madhya Pradesh Jesuit ih provincial ih simnak vek a sile a mah cu Jashpur ih Shanti Bhavan ah pastoral ministry ah tuanvo pek mi a si tiah sim. An mai provincial in Fr Arun Bara a nunnak a cem ruangah an thin a nat thu thuthangah tarlang.

          Kan mah Jesuit pawl in 2022 ih Puithiam sinak ngahtu puithiam note kan sungih a mah khal kumkhua nunnak a ngah theinak dingah le Pathian ih thawm huham ngah hram thei dingah zaangfah dil phah in a rak sim. January 11 ah Chhatiisgarh khuapi, Khrist Milan Ashram, Namna, Ambikapur ah ruak vuinak Missa raithawi nak thawn vuiliam a si thu sim.

         Fr Bara cu 1989, Nov 9 ah a rak suak. Sitagarha ih St. Stanislaus College ah a rak kai.  Amah cu Satya Nilayamah philosophy a rak theh ih Ranchiah  regional Regional Theology College le Delhi ih Vidya Jyoti College of Theology khal  a zir tu a si.

Hi mi thuthang cu RVA thuthang in kan don mi a si.

https://bit.ly/3GFvHc7