India nitlaknak lam ah Pilar of Society sungin innsangih fapa pakhat lawng a si mi minung panga in Puithiam cannak ngah

India nitlaknak lam ah Pilar of Society sungin innsangih fapa pakhat lawng a si mi minung panga in Puithiam cannak ngah

Missionary of St.Francis Xavier (Society of Pilar) pawlkom in an pawlkom sungah, May thla sung India ram ah Puithiam thar 19 an neih thu, cu mi sungah innsang sungih fapa pakhat lawng asimi minung panga an tel ruangah an lungawi thu sim. Puithiam thar 19 pawl sungin India nitlaknak lam Goa in ordination ngahtu pawl cu Jackson, Lawrene, Inacio D'Souza, Clinton Fernandes, Leonray De Mello, Venito Colaco, Nevil Fernandes, Mcsteein Oliveira le Eric mascarenhas pawl an si. An nu le pa pawl ih fapa pakhat lawng asimi pawl cu jackson, Inacio, Mcsteein le Eric pawl ansi. Jackson cu Cardinal elect, Filipe Neri Ferrao, Archbishop of Goa le Daman tei kut sungin May 1 ah Puithiam can nak an pek mi a si.
Amah in hitin a sim "Puithiam nunram ih a tul mi laksawng pawl thawn thluasuah ka ngah ruangah ka lungawi. Bawipa amah ah rinsan mi si thei dingah le amah naih sinsin in rian thei dingah in hril mi a si" tiah asim. Eric cu Sindhudury ih Bishop Alwyn Barreto in May 11 ah Puithiam cannak a pek. Puithiam nunram cu ka hrangah leilungih tuah mi bel sungih sin ro sunglawi pakhat asi. Bawipai in hril nak parah lungawi nak tampi ka nei. Mcsteein cu Port Blair ih Bishop Emeritus Alex Dias hnen in May 10 ah Puithiam can nak a ngah tu a si. Anih in ka ordination cu ka nun nak ih a thar mi hmuhton nak a si ih thluasuah tampi ka ngah ni khal asi tiah a sim.
A pali nak fapa pakhat lawng asimi Xavier Soreng cu May 8 ah Port Blair ah Bishop Visuvasan Selvaraj in Puithiam sinak a pek ruangah amah in a hmuhton mi sungin hitin a sim. Amai sabit hmuan sungih hna tuan dingah ka tlak lo nan in hril rungah ka lungawi nak ka sim thiam lo tiah sim nak a nei. Himi ordination ngah mi pawl thawn society of Pilar pawlkom ah Puithiam 383 an um ih 120 in ram leng le India ram, Diocese 41 ah hna an tuan. Society of Pilar ti kawh mi cu Marioano Clement Bento Martin in India nitlak nak lam ah a rak din thok mi a si. Himi thuthang cu RVA thuthang ihsin kan don mi a si.
https://bit.ly/38J7iWq