India Puithiam in vua caan ah mi 200 luan hrang a lak in rawl dar (March 3, 2023)

India Puithiam in vua caan ah mi 200 luan hrang a lak in rawl dar

March 3, 2023

           Diocesan Puithiam Fr. Anthony Lawrece in vua caan sungah India ram Tamil Nadu ih Gopichettipalayam cozah siizung kiang ih mi 200 luan hrang a lak in rawl a dar. "Kei cu Pathian ih hman mi fang ka si" tiin Fr.Lawrence in RVA ah a simih "buaibainak um loin mipawl ih bawm nak thawn Khrist rian ka tuan" tiin a sim.

           Pehbet in "Gopichettipalayam cozah siizung kiangah bawm 100 hrang a lak in zem dingah kan tum asinan himi hi an hrangah a daih lo, bawm tul mi hrang program kan tuah hnu in mi 200 tiang an kai ih hmailam khal ah a thang ding" tiin a sim.

           Ni 47 sung Ash Wednesday ihsin Easter Sunday tiang a lak in rawl timtuah asiih Fr.Lawrence in a parish mi pawl hnen ah mission hnatuan nak ah forhfial nak a rak pek. Parish mi Clement Prem Kumar in himi kan tuahnak in a hlan ih kan sual nak pawl tlengfai dingah kan Parish in kan tuan nak asi tiin a sim.

           Antony Prem ih asim nak vekin himi rawl kan pek in rilrawng zet in a um mi pawl kan pek tikah ka di a riam ih mi harsa pawl hnen ihsin Khrist hmuh nak cu a hman taktak asi tiin a sim.

           Coimbatore diocese ah Fr.Lawrence in India ram Tamil Nadu Gopichettipalayam ih Sacred Heart Biakinn ih Catholic innsang 400 hrang a dar.

           Himi thuthang cu RVA thuthang ihsin kan don mi a si.

https://bit.ly/3ZKqtnq