India ram Assyrian ih Patriarch Mar Awa III in Cardinal Alencherry tlawng.

India ram Assyrian ih Patriarch Mar Awa III in Cardinal Alencherry tlawng.

          Nisuahnak lam Assyrian ih Catholicos Patriarch Mar Awa III in Kochi Kerala ih St.Thomas Major Archiepiscopal Curia ih Major Archbishop Cardinal George Alencherry a tlawng. Cardinal George Alencherry cu Synod Bishop pawl le Curia sungtel pawl thawn Patriarch hmuak nak ah an tel. Ordination thar ngah tu Metropolitan Archbishop Mar Awgin Kuriakose le a dang Archbishop pawl le nisuahnak lam Assyrian kohhran ih sungtel pawl Patriarch thawn an tel ve. Mar Awa III in Syro – Malabar kohhran ih synod Bishop pawl hnen lungawi nak thluasuah thu a sim.

          Major Archbishop in Major Archiepiscopal Curia a tlawnnak ruangah le St.Thomas ih Icon ih a tel nak ruangah a lungawi thu a sim. Mar Awa cu nitlak nak lam ih ahmaisabik Catholicos Patriarch le America mi nisuahnak lam Assyrian kohhran ih ahmaisabik Bishop a si. 2021 September 8 ah Holy Synod in Mar Awa Royel an hril ih, Californai ih Bishop le Holy Synod secretary tiinkhal rian a tuan ih, nisuahnak lam Assyrian ih 122 Catholicos Patriarch tiin Mar Gewargis III arak hlawhtling.

          2021 September 13, Iraq ram Erbil ih St.John The Baptist ah Holy Cross puai ni ah Catholicos Patriarch tiin hril a siih Mar Awa III tiin hmin an pek. A hmaisabik Assyrian tiin America can 1975 ah David Royel cu Chicago ih Illinois ah a rak suak. 1999 ah Puithiaim a cang ih 2008 November 30 ah Bishop cannak a ngah ih Mar Awa Royel tiin hmin pek a siih Assyrian tong in cun Awa timi cu Father ti duh san a si.

          Bishop dinhmunin Mar Awa in nisuahnak lam a laihrawng ih Christian pawl ah tampi rian a tuan. Nisuahnak lam Assyrian Catholic kohhran cu saklam Iraq ih Erbil khuapi zung ah amah rak thlun tu 385,000 an umih, leitlun killi in Diocese 12 le Archdiocese 3 ah a zaten mi thawng hra an um. Kohhran in India ah archdiocese an nei ih India ih Chaldean Syrian kohhran tiinkhal theih a si. Himi thuthang cu RVA thuthang ihsin kan don mi a si.

https://bit.ly/3X8YEVd