India ram Catholic RV thuthang zungin Pathian hla zuamawknak tuah. (August 10, 2022)

India ram Catholic RV thuthang zungin Pathian hla zuamawknak tuah.

(August 10, 2022)

          India ram saklam ih um mi thuthang pawl sungin Atmadarshan TV ti mi thuthang cu mipi ih duh bik mi Biaknak lam thuthang pawl sungin pakhat a si ih zuamawknak an rak tuah. Gospel Singer Reality Show (Pathian hla saktu pawl ih zuamawknak) hrangah online (internet thawn pehtlaihnak) le offline (internet thawn pehtlaihlonak) ceknak pawl an rak tuah ih Pathian hla, hlasaknak lam cu RV reality show (TV hmuhnak) ih mi duhbik mi daan an hman thu,

          Director Fr. Anand Chirayath thawn kom aw in Director Fr. Selvin Ignetius ih hoha mi Atmadarshan (mai theihnak le thiamnak thangso ter dingah a si lole a thabik mi fimthiamnak si dingah) timi pawlkom cu India saklam ih um mi ramthen 8 ah cekawknak pawl tuah dingah ni 12 sungah kilometer 6000 hrawng khual an rak tlangih Atmadarshan cu hmaisabik ih hmin rak petu 250 ah minung 50 an rak hril thu, 2018 ihsin an rak din thokih Biaknak lam pakhat a si mi Atmadarshan TV thuthang in Pathian ih thuthangtha cu India ram a lailak Madhya Pradesh ih Prerana pehtlaihnak ihsin leitlunhuap ah thuthang an darh ter ih August 13,14 ih tuah mi tumhnihnak ah pawlkom sungtel pawl ih lairelnak pawl thawn online ih mee peknak caanserh thehah hmin petu pawl sungin 30 an rak hril ih hmaisabik laksawng ngahnak cu October thla ah an tuah ding tiah an sim.

          Hmaisabik tum cu India ramthen 10 ih Parish 30 ah Christian awnmawi thiam pawl an rak tel ih Bhopal khuapi ihain kum 40 luan Pathian hla zuam tu pawlkom ih rak tel tu kum 67 kim mi Rajenadra Gupta khal kum upabik dinhmun in a rak zuam ve. Vaishali Bakode (Indore khuapi ih hlasak thiam hminthang) Pradeep (Banaras Ratna Awardee le Varanasi khuapi ih hlasak thiam) le Ajmer khuapi ih um mi, Atmadarshan TV thlahnak khaan ah an rak tuah.

          Hi puai cu saklam India ih um mi Christian biaknak thansonak hrangih rak bawmtu Catholic mipi pawl le Catholic a si lo mi khal, Christian si lo mi thlasak thiam pawl khal an rak cohlang. Cui puai khal mikhual pawl a si mi Thiang Thlarau Pathian ih Sr. pawl tiih mi theih tam zet mi Pathian hnatuantu Sr. congregation ih St. Pushpanjali Paul in Catholic Pathian hla pawl hrangah hla fing 180 luan a mah rori in a rak phuah.

          Hi Gospel Singer Mega Reality Show cu Blessed Sr. Rani Maria Vattalil ih thuhla hlawhtling zet ih a langsar ter hnu ah India ram saklam ah a lar zet ih mipi ih duh zet mi khal a si. Hi thuthang cu RVA thuthang ih kan ngah mi a si. 

https://bit.ly/3bSDmc2