India ram ih Catholic Pawlpi in Pope Benedict XVI an nunnak a cemnak ruangah zarhkhat luan riahsiat nak langter.

India ram ih Catholic Pawlpi in Pope Benedict XVI an nunnak a cemnak ruangah zarhkhat luan riahsiat nak langter.

January 5, 2023

          India Latin Catholic Bishop pawl in Pope Benedict XVI a nunnak a cem nak ruangah zarhkhat sung an riahsiatnak an lang ter nak cu 2022, December 31 in zarhkhat sung langter dingah an than. "India ih Pawlpi dinhmun in zarhkhat sung an riahsiat nak langter dingah himi cu a dang ziangvek puai pawl khal tulh ding ah a si" tiin a than.

          CCBI president Cardinal Filipe Neri Ferrao in mi zate hnen ah, Pope Benedict XVI ih thlarau hrang thlacam ding ah a dil. "A cang thei asile mai Parish pawl le pawlkom pawl ah ahleice in Pope vuini ah Missa raithawinak tuah dingah" Cardinal in a forhfial.

          CCBI president in Diocese ih Bishop pawl hnen ah cuini ah Diocese ih kohhran pawl ah ralthazet in Missa raithawinak tuah dingah ruahnak a pe. Parish Kohhran pawl ah mithi khawnglawng tum dingah, ahleice in ruak vui ni ah tum dingah ruahnak a pe. Parish pawl ah ahleice Mass tuah lo asile ruak vui ni Pope thlah nak Mass ah an tel a tul tiin a sim.

          "Pathian hnen ah Pope Benedict XVI kan sunloih ih a thlarau khal Pathian hnen cawl dingah thla ka cam" tiin a sim. India Latin Catholic Bishop pawl in tuu khal tha asimi le harsat caan ih kohhran thaten a kilkhawi thei nak parah Pathian hnen lungawi thu an sim. Himi thuthang cu RVA thuthang ihsin kan don mi a si.

https://bit.ly/3vFZpIZ