India Ram ih Catholic Siizung pakhat an phit nak thuhla (July 6, 2020)

Sister 12 in covid nat nak an ngah hnu ah India Ram ih Catholic Siizung pakhat an phit nak thuhla (July 6, 2020)

            India ram Dibrugarh peng ih um mi Vincenza Gerosa siizung cu cutawk kiangkap ih mifarah pawl hrangah kum (50) luan rori a rak ding zo mi a siih Sister tlawng pahnih in tuanvo a lak rero mi khal a si.

            Cuih tlawng ih hotu upa Sister pakhat cu ASSAM khuapi ihsin a rak tlun hnuah a tak a sa ih a pum lam khal ah damlo nak an tuar tikah a nat nak cu an chek ih July 3 ni ah covid nathrik a neih thu an hmu fiang.

            Siizung um nak Parist hotu Siangbawi pakhat cun cuih Sister in covid nathrik a nei ti an hmuh hnuah a dang pawl an chek ih Sister 12  le siizung hnatuan 1 thawn an zate kom in minung 13 in nat nak an nei ruangah cutawk hmun ih tlunlam upa pawl in siizung an phit ter lawk.

            Dibrugarh Dioceses hotu Bishop in cuih thuthang a theih tikah a thin a nuam lo zet thu siseh, mina pawl zamrang ten dam nak an hmuh sal ih siizung khal ong thei sal dingin thla a cam sak thu khal a rak tarlang ih midang khal thlacam nak thawn bawm ve hai dingin a rak forhfial.

            ASSAM khuapi kiangkap cu covid a karh bik nak hmun asiih, cutawk ah covid nat nak tuar tu 11736, a thi zo mi 14 le kan dung zarhpini ah minung 735 hnenah natnak an hmuh bet thu Vatican thuthang ihsin thuthang kan dong asi.

https://bit.ly/2Z61Wgb