India ram ih an cin le daan in mahlemah thahawk nak a tam ter tiin biaknak lam hotu pawl in cozah hnen an mawhthluk November 20, 2021

india_ramah_an_cin_le_daan_in_mahlemah_thahawknak_a_tam_ter_tiin_biaknak_lam_hotu_pawl_in_cozah_hnen_an_mawhthluk

India ram ih an cin le daan in mahlemah thahawk nak a tam ter tiin biaknak lam hotu pawl in cozah hnen an mawhthluk

November 20, 2021

              India biaknak lam hotu pawl in India cozah ih cin le daan tuahnak in mahlemah thahawk nak a thang ter. Ziangruangahtile cozah ih thleng mi a sual mi sumdawn nak ruahnak ruangah a si. Hnatuan neilo an tam. Hnatuan an nei loih sum lut khal a um lo. Thaisun timi ruahsan ngam lo dingin a cang tiin Fr. Faustine Lobo in a sim. Amah cu Bishop ih ret mi India ram thlang lam ih nunphung lam hnatuan ih director a si. Amah cu mi nauta mi harsa pawl ih nunram hrang hnatuan tu a si. Cutivekin sumpai hman nak siatsuahnak, datsi, dissel pawl man a kai nak cu mipi pawl a na ter tiin a sim.

              Tubaiteah India cozah ih an suah nak vekin 2020 ah mahlemah thataw tu nitin 30 hrawng an um thu, hitivekih a can nak cu hnatuan nei lo buainak, bank ih a sung umnak le farah nak ruangah a si thu, rampi thuhla lam thawn pehpar mi zungih an suah nak vekin 2020 ah  mahlemah that aw tu 10662 an um thu, himi thu zaten cu farah zonzai nak thawn a pehpar awk thu, anmah lakah 5203 cu bank ih sungnak thawn a pehpar thu, 3548 cu hnatuan nei lo harsat nak le 1901 cu a dang farah nak pawl ruangah a si. Tui kum ah farah nak ruangah mithi an tamnak cu zatek 69 tiang a si. Hnatuan nei lo ruangah a thi tu zatek 24 an um.

              Fr. Loba ih a zoh nak in that aw dingih ruahnak cu a tam sawn in cozah ih rem mi sumdawnnak ruangah mi pawl a buai ternak ruangah a si thu, bank a sung um nak le hnatuann nei lo harsat nakin farah nak a rat thu, an suah rero mi hremnak ruangah mipi pawl dinhmun in ruahsan nak nei lo dinhmun ah an thleng ter thu, mah le mah that awk nak lakah bank sung um nak le leiba buai nak ruangah zatek 49 an um thu, then thum ih then khat cu hnatuan neilo ruangah an si thu, thuhla 150000 sungah zatek 8 cu pulhnat ruangah asi thu an sim.

              2019 kum ah pulh nat pi in India a namnuai hlan mahlemah thahawknak thu 9881 a um ih cui thu pawl khal farah nak thawn a pehpar aw. Covid pulhnat sia cu harhdam nak lam sumpai cem nak a sang tuk ruangah mi tampi nunnak a la. Thenkhat cu sumpai luhnak a um loih hmun hnget nei loin an um. Thenkhat cu rit theih thil hmang lo nak, thenkhat cu mahtepak nak ruangah an thi. Asinan thilcang mi hmuahhmuah cu thuhla ruangah rahsuak pawl a cang. Curuangah hmailam hrangah ruahsan nak a nei lo tiin an ruat.

              Thinlung lam siibawi thawn thureltlangnak program a tuah tu Clara D'Cunha in mahlemah that aw tu pawl cu kum hra luan pawl, kum lak lawh pawl ah siseh, covid caan ah mino pawl karlak ah a cang thu cu farah nak thawn a sai lo. A tam sawn in fehvah kham nak ruangah thinlung lam le pehtlaih awknak um nawn lo nak, line in pehtlaih awk nak um lo nak, duh mi in le ei umlo nak pawl ruangah pakhatkhat duh tuk nak cu that aw ding ih ruah nak ih a hrampi thuhla a si thu, a mina pakhat ih a ton mi thu thawn pehpar in a simmi ah a mina zatek 80 luan cu zu tama pawl an si thu, cumi pawl cu din sal nak program ah an kuat thu, dinsal nakah din hmun a that vivo sung covid pulhnat sia cu an thil ton mi a that lo vivo thu, kumkhua hnatuan nei loih um dinhmun tiin an ruah thu le sum lut um lo nak thu pawl ruangah a si tiin an sim. Himi thuthang cu Matters India thuthang ihsin kan don mi a si.

https://bit.ly/3DUjn5e

Add new comment

16 + 2 =