India ram ih Franciscan hrekkhat in a harsa mi innsang pawl kethum nei mi leng thawn bawm April 05, 2022

India ram ih Franciscan hrekkhat in a harsa mi innsang pawl kethum nei mi leng thawn bawm

April 05, 2022

         India nisuahnak lam ih um Calcutta ih Franciscan Catholic Sr. pawl in a farah mi innsang pawl cu kethum nei mi leng 8 thawn an rak bawm. Hi a hlu cu April 02 ah tuanvo la in an on mi cazirnak tlawngah an rak hlu.

         Tlawnginn ih tuanvo neitu upa a si mi Sr. Josephine Melkias in tu vekih mifarah harsa pawl thathnemnak an pek ngah ruangah a diriam thu, tu vekih bawmnak cu hi vekin bawm dingah tumtah in tui fim zir kum ih thok mi programme a si ih hmaisabik ah a farah mi innsang 8 an rak hril thu a sim.

         Avila khuapi ih St.Teresa Parish ih Parish Puithiam, Fr. George Antony cu hi programme ah a tel ih leng pawl thluasuah a rak pek. Tu vekin bawmtu Sr. pawl hnenah a lungawi thu a rak ism. Hmailam caan hrangah sumpai khawl thiam dingah, sum hlei pawl a um khal le a dang a tul sam tu pawl bawm dingah a rak forhfial.

         Franciscan Sr. congregation cu Catholic pawlkom a si ih Mother Mary of the Passiion ih din mi a si. Congregation dintu cu 1839 ah a rak suak ih 1907 ah a nunnak a rak cem. A mah cu Britain-India thi hnawihnih mi a si. Congregation cu 1877 ah a rak din. Hi congregation ah miphun 78 an um ih continent 5 ah ram 77 in an si. India ah zung 5 a um. Calcutta cu Delhi zungah a tel ih ram 11 a tel.

         Nunau cazirnak tlawng cu 1947 ah an rak din. Hindi tong a hmang tu nauhak pawl hrangah tumtah ih dinmi a si. Ziangah tile an nu le pa pawl hnatuan an feh tikah nauhak pawl kil phah in ca zirh sak dingih tumtahnak in a rak thok. Tlawngta za leng lo an rak kai ih hmailam hrangah a tul sam mi thiamnak pawl khal an ngah theh zo.

         Tlawngta cu lailak tlawngah 1994 ah a rak cang. Tlawngta tamsawn cu sumdawnnak remcang lo mi innsang in an si. Hindi tong thawn a zirh rero mi tlawng cu May 2, 2005 ah mirang tong thawn zirhnak tlawng ih tlawngta pawl ih thatnak hrangah an rak thleng.

         Congregation ih an tumtahbik mi cu nunau pawl kilkip ih huap mi thiamnak a nei mi pawl ih sawmdawl sak dingah a si. Sr. pawl ih cin le daan ah san tiluan ih zir in tlawngta pawl tha pe thei dingah zirh tu fimnak naihniam daan thawn an zirh rero thu a rak sim.

         Hi thuthang cu RVA thuthang ih kan ngah mi a si.

https://bit.ly/3JwFd0X