India ram ih Little Sisters of the poor Congregation in mi harsa pawl bom nak caanserh tuah.

India ram ih Little Sisters of the poor Congregation in mi harsa pawl bom nak caanserh tuah.

            The Little Sisters of the poor Congregation in December 4 ah India ram Kolkata ih 2 A.JC. Bose lamzin ah mi harsa pawl bomnak caanserh “Mini Fete” timi an tuah. Pulhnat caan kum hnih sung ah congregation in himi program an rak tuah thei lo. Mini Fete cu St.Joseph Home ih kum upa pawl, Little Sisters of the poor cangvaihnak, kum upa minung 120 hrawng bomnak hrang fund hawl nak a si.

            “Kannih pawl cu kan tlawng pi bommi in kan hnget aw, a dang sum lut ziang hman kannei lo. Ahleice ih an tul mi rawl, umnak ding, thuamhnaw le siivai pawl cu in bawm tu pawl hnen ih kan ngah mi in kan tuah” tiin committee sungtel Sr.Ann Joachim in a sim.

            Mini Feter cu committee bomtu Sister pawl ih din nak a si. Tlawng tampi, Parish pawl le company pawl le rampi in siang zet in an bawm. Derek O’Brine M.P cu pawlkom sinak an pe ih St.Xavier collage ih uktu Fr.Dominic Savio SJ khal himi program ah a tel. Bawm tu pawl le pumpe tu pawl in rawl thawthaw pawl le lek nak pawl cu zawng ( rong) phunphun in an cei mawi.
            Khuami pawl ih tuah mi kut thaim pawl khal an tarlang. Vui rang, leilung thawn tuah mi khokheng pawl le tikulh ram nung pawl cu mi tampi in an zoh duh zet. Mi tar zet hla sak thiam khal in hla sak nak a nei. Sr. Ann in an caanserh ih a tel tu a bawm tu pawl hnen lungawi thu a simih himi cu a tha zet mi hlawhtling nak a si. Himi ah in bawm in phur zet ih a tel tu pawl zate hnen kan lungawi.

            The Little Sisters of the poor congregation cu 1839 December khua daih caan ih din mi a si. Kum 47 asimi French mi Jeanne Juyan in harsat tuar a thi zik mi nutar cu a hruai ih a rak tuamhlawm. Cui zan ihsin Little Sisters ih mi 17,000 cu continent 5 ih ram 30 ah an karh zai ih st.Servan, Brittany, France ihsin leitlun killi ah an karhzai. Little Sisters pawl in kum upa pawl cu duhdawtnak ngaihsak nak thawn an tuamhlawm.

            Little Sister pawl cu 1882 ah Asia an thleng. An riantuann ak cu Kolkata in an thok ih, Singapore ah 1935 ah an din. A hmaisabik tlawng cu kum upa 12 thawn Derbyshire ah an din. Inn, rawl, sinfen, siivai le a dang tul mi pawl an bawm. Himi thuthang cu RVA thuthang ihsin kan don mi a si.  

https://bit.ly/3WhHK5W