India ram ih World Book Fair ah Hindu pawlkom in Christian an do (March 04, 2023)

India ram ih World Book Fair ah Hindu pawlkom in Christian an do

(March 04, 2023)

           India ram, New Delhi ah Pragati Maidan ih tuah mi World Book Fair ca uk puai ah hramthok Hindu pawlkom pakhat in March 1 ah Christian ca uk pawl man lo in an rak darh tiah an rak puhmawh.

           Hindu pawlkom in protestant Christian pawlkom si lo mi Gideon International an rak tin.

           Zaanlam nazi 2:15 pm hrawngah, (biaknak lam hminsinnak) cal ih tikkas hruk mi pawl in an rak kulh ih an cal ah sui rong puante an teen tiah a tarlang. Cui hlei ah, puai ah thlarau lam ca uk pawl pholangnak hlei ah, Cathianghlim pawl tel in Biaknak lam ca uk pawl man lo ih copy mi pawl man lo ih than mi poster pawl khal an tarlang.

           Ca uk dar cu minung 50 hrawng in ‘Jai Shree Ram’ au aw pawl dodal in farah harsa mi Hindu biaknak sungtel pawl in Christian pawl thleem in biaknak lam tawn dingah duh lo na cingih puhmawhnak pawl an rak tuah thu theih a si.

           Cui pawlkom in poster pawl an thlek ih Saam le Thufim copy mi pawl an rak lak.

           New Delhi World Book Fair cu Feb 25 ah an rak thok ih March 05 tiang an rak tuah. Cu mi cu National Book Trust tuah rero tu le ramleng sumdawnnak sawmdawl tu the India Trade Promotion Organization ih bawmnak thaw rak din mi a si.

           India’s Minister of State for Education ih Dr. Rajkumar Ranjan Sigh in ram 30 le a suah tu 1,000 luan tel mi nnikua rei mi puai an rak tuah.

           Volunteer David Philip in pawlkom in “Jai Shri Ram” le “Bharat Mata ki Jai” an rak aupi ih cui kiangkap ah minute 20-25 tiang cang lo in an rak ding tiah a sim. Cui  hlei ah an tuanvo an aupi rero lai ah Hanuman Chalisa an rak siar.

           Delhi ca uk puai ah hrekkhat dawr pawl cu Hindu, Muslim, le Sikh pawlkom pawl in an rak hoha ih hrekkhat cun biaknak lam ca uk ngantu pawl hrangah man lo in an rak zem. Hi puai cu puai ah biaknak lam pawlkom tampi sungih pakhat a si ve.

           Hi thuthang cu RVA thuthang ih kan ngah mi a si.

https://bit.ly/3ZszPo7