India ram Karnataka ih pi 20 a sang Bawi Jesuh zuk cutawk hmun ih thunei tu pawl in siatsuah ( February 19, 2022)

India ram Karnataka ih pi 20 a sang Bawi Jesuh zuk cutawk hmun ih thunei tu pawl in siatsuah

(February 19, 2022)

              India ram, Kolar, Karnataka ramthen cozah in pi 20 asang mi Bawi Jesuh zuk siatsuah dingah thu an suah. Cui zuk cu a liam zo mi kum 18 lai ih rak tuah a si. Cui thusuah cu February 15 niah thunei tu pawl hmaiah ralkap pawl in kil in zuk cu an bal. A tu vekin siatsuah dingah thu an pek nak cu ram ih leiram parah tuah asi ruangah tiin, hitawk hmun cu ramsa pawl hrang umnak tiin an nemhnget tiin an sim.

              Cui thuthawn pehpar in cutawk ih Khristian hotu pawl in thusuah mi cu an hnenah veikhat hman an pek dah lo thu, an theih lo thu, himi thu cu thuthen nak zungah pehbet in a felfai mi thu botcat nak tuah dingah a hnget hrih lo thu, cutawk hmun ih Catholic pawlkom dinhmun in a tuvekin zuk an siatsuah nak cu an dodal thu an sim.

              Catholic Puithiam pakhat khal asiih, thuthentu khal asimi Fr.Theres Baby in himi thuthawn pehpar in February 16 ah zingzoi sal dingah aum lai mi thu asi. Siatsuah ding ah theih ter nak ca an ngah lo thu, cui hmun ih mi pakhat asimi Rayappa khalin 2004 luan an tel thu, an siatsuah caan ah February 15 zanlam ah JCB  thawn an ra siat ter thu, cui hmun ih ruah nak luar Hindu pawl in dinhmun sia dingah an tuah thu, thuthen nak zung khalah himi zuk siatsuah dingah an dil thu a sim.

              Kum tampi lai ihsin thu nei tu pawl thawn an lungkim mi cu zuk sak nak hmun cu area 300 asiih, biaknak lam le nunphung hnatuan pawl tuan dingah an lungkim. Asinan a liam zo mi kum hnih ihsin thokin Hindu zumtu pawlkom pakhat cu thuthen nak ah thu an suah. Cui thu cu a tu vek dinhmun a cang ter tiin St.Francis Xavier biakinn ih Puithiam in a sim. Gokunte ih St.Xavier biakinn cu Kolar hmun sung ah kum a tambik biakinn khal a si. Innsang 100 hrawng an um. 1977 ihsin thokin himi hmun cu St. Francis De Sales Pathian riantuan tu pawlkom in an kilkhawi. Parish sungih mi harsa nauhak pawl kilkhawi nak hmun khal a si. Cutivekin mikhual pawl hrangah colhnak ding inn le a dang nunphung program pawl asimi nuntukhuasak nak, nunau pawl hrangah thil thit le mirang tlawng cutivek thil zir nak pawl khal a phuan tu Parish pakhat khal a si. Himi thuthang cu Crux thuthang ihsin kan don mi a si.

https://bit.ly/3sZcYBQ