India ram a laifangnak hmun Raipur Archdiocese ah golgen Jubilee tuah.

India ram a laifangnak hmun Raipur Archdiocese ah golgen Jubilee tuah.

          India ram a laifang nak hmun Chhattisgarh ih Raipur Archdiocese in February 8 ah golden Jubilee an tuah ih Nuncio, India diocese pawl ihsin Bishop 20, Puithiam pawl, Sister pawl le Archdiocese ih parish pawl ihsin mipi pawl an tel. India ram ih Apostolic Nuncio Archbishop Leopoldo Girelli in "Himi puai tuah nak in Chhattisgarh ah Pathian ih thawm huham dinsal ding a ruahsan" thu a sim ih "a kem zo mi kum 50 lai ih diocese a rak din tu pawl hnen khalah lungawi thu a sim.

          "Kum tampi thlarau lam ah na thangso ih Pathian ih thluasuah co hram uh" tiin a sim. Chhattisgarh ih ummi pawl cu nel an um zet ih an nunphung in a lar zet" ti khal in a sim. Hyderabad Archdiocese ih Cardinal Anthony Poola in "Synod ih thlarau thianghlim na hnen ah a um" tiin a ism. Cuihmun ih congress chief minister Bhupesh Bagel in "cuihmun ih mission hnatuan pawl cu covid 19 caansung Abhanpur hmun ih an riantuan nak pawl, ahleice in fimzirnak le harhdamnak riantuan nak pawl riantuan nak ah mi theih an si.

          Fimzirnak a mal nak hmun khuate pawl le fimzirnak ih bawm tul mi pawl hrang hostel pawl le tlawng pawl an din nak ruangah Christian community pawl a rak lawm. Jubilee tuahnak ah Catholic mi pawl, Puithiam pawl, Sister pawl, Bishop pawl, mipi pawl le Archdiocese pawl le mission hnatuan pawl an tel. Pehbet in Abhanpur le Baitalpur ih mina pawl hrang siizung pawl an rak din.

          2022 July 15 ah Raipur ih Archbishop Thakur in Jubilee ih logo ah "leitlun nunnak ah Christ ah hram bunnak" tiin a sim. Hmaisabik mission hnatuan pawl cu French Puithiam pawl an siih Raipur ih Visakha Patnam ihsin Nagpur tiang Catholic mi mi malte thawn rian an rak tuan. Neta ih mission hnatuan pawl cu Nagpur ihsin himi hmuan tiang rian an rak tuan.

          Raipur ih ramthen 3 cu 1950 June 27 ah Nagpur ihsin an then ih cumi pawl cu thlang lam Geman Province ih Pallottine Puithiam pawl hnen ah an hlan. German Pallottine Fr.John Weidner cu 1964 Jan 16 ah khuapi ih apostolic ah tuanvo pek a siih 1973 July 5 ah Diocese ah khaisan a si. 1974 Feb 8 ah Monsignor Weidner cu apostolic administrator tiin tuanvo pek a si.

          1974 Aug 17 Monsignor Widner (56) a nunnak a cem hnu 1975 Aug 23 ah Fr.Francis Weiner Hunold in a rak hlawhtling. 1983 ah a cawl ih Jesuit Bishop Philip Ekka cu a Ambikapur ihsin a thawn ih 1985 Jan 6 ah Raipur ih ahmaisabik Bishop tiin rian a tuan.

          Bishop Philip Ekka a cawl hnu Msgr. Joseph Augustine cu 1992, December 30 Raipur ih Bishop tiin hril asi tiang Diocesan Administrator tiin hril a si. 2000 November 1 ah Chhattisgarh ah hmun thar tiin a cang ih 2004 March 18 ah Raipur cu cuiram ih khualipi ah a cang.

          Raipur ah Archdiocese a um ih Faigarh, Ambikapur, Jashpur le Jagadolpur pawl cu diocese bawm tu an si. Joseph Augustine cu 2004 March 18 ah Raipur a hmaisabik Archbishop tiin hril a si. Archbishop Joseph Augustine cu 2013 June 6 ah a cawl. Raipur Archdiocese ah Parish 68, Diocesan Puithiam 92 le 81 religious Puithiam le Sister congregation 31 le a phunphun mi bawm nak ah 60,814 square km hmuan an nei ih cupawl cu ramthen pawl ah 19 in an then. Himi thuthang cu RVA thuthang ihsin kan don mi a si.

https://bit.ly/40NBxSj