India ramah Catholic cazirnak tlawngsungah Hindu pawlih biaknak lam zuk ret dingah thu suah October 26, 2021

India ramah Catholic cazirnak tlawngsungah Hindu pawlih biaknak lam zuk ret dingah thu suah

October 26, 2021

              Right-wing Hindu lam cangvai tu pawl in October 25 ah India ram a laifangnak Madhya Pradesh ramthen ih phuan mi Catholic cazir nak tlawng pawl ah ni 15 sung Hindu pawl ih biaknak lam zuk Saraswati kha ret ding tiin thu an bot cat. Cui zuk cu "ruah nak petu siangpahrangnu" asi tiin an zum.

              Mipum 30 a tel mi leitlun Hindu pawl council le Right-wing ram khel party pakhat asimi Bajrang Dal tei in Satna ramthen ih phuan mi thlawngih tuanvo neitu Puithiam pakhat, Fr.Augustine Chittupararambil hnen feh tahrat in dil asi thu amah Fr. Augustine in a sim.

              Ruahnak luar tuk Hindu pawlkom ih dilnak cu ca thawn kuat a si ih, an dilnak vekih thlun lo asile tlawngah an ra sal ding ti'n an hringhro thu khal a sim. Cutiin an dilnak san cu a tu Catholic cazir nak tlawng hi cui khuavang siangpahrang nu a umnak hmun ah sak a si thu, asinan cazir nak tlawng cu a liam zo mi kum 49 laiah sak a si thu, hitivekin zo hman in an ti dah lo thu, hi cazir nak tlawng cu Syro-Malabor Diocese in a hoha thu, Satna khuapi cu ramthen ih khuapi asimi Bhopal ih nisuah nak sak lam 455km hrawng a hlat thu, asinan tuanvo nei tu Siangbawi in ruahnak luar Hindu pawlkom pawl  dinhmun in cazir nakah thlengin an hringhro sal pang asile daan thawn kaih in kilhim nak tuah ding a si thu, asinan cazir nak tlawng thleng sal ding ahcun caan mal te hngak ding a si thu, a tui hringhro nak cu tuikum sung Hindu ruahnak luar pawl ih aveihnihnak cangvaihnak asi thu, tuikum Febuary 22 khalah a tui ramthen sung mi damlo pawl kilkhawinak ih Sister pakhat in Khristian asilomi nunau hnatuan tu kha Khristian ah thawn dingin a duh lo cing in a tuah tiin puh in thu an suah nak thu khal a rak um zo thu pawl khal Fr. Augustine cun a sim.

https://bit.ly/3nKq430