India thlanglam ah kohhran mipi 3500 hrawng Biakinn thar on puai ah tel. (February 27, 2022)

India thlanglam ah kohhran mipi 3500 hrawng Biakinn thar on puai ah tel.

(February 27, 2022)

         India thlanglam Sivagangai Diocese ih a cawl zo tu Diocese hotu Bishop Susaimanikam II in Ulaganathapurm ah an sak ih ‘Naute Jesuh’ hmin pek mi Biakinn pakhat cu February 24 ah thluasuah pe in an rak ong. A cawl zo tu Bishop in ‘Biakinn pakhat sak dingah harsatnak malte pahsuak in an rak sak suak thei. Tu vekih pulhnat sia a can laiah thluasuah pek ih on ding a ol lo. Sumdawnnak lam ah harsatnak pawl khal a um’ tiah a rak sim. A cawl zo tu Bishop in Parish Puithiam Singharayar a upat thu, a mah in a kohhran mipi pawl ih thlarau lam cangvaihnak pawl tha pek dingah tumtah in hi vek in a mawi zet ih kutthiam a langsar mi Biakinn sak dingah tha pe in theh suak ko an rak sak tiin a sim ih lungawi thu a rak sim.

         Parish Puithiam khal in hi Biakinn sak thei dingah kum (5) tikcuu pe in tim an rak tuah thu, harsatnak tampi a rak um ko nan Pathian ih duhnak a si tikah thluasuah tampi pe in a rak cangsuak ter. Tui sak thar mi Biakinn cu hngilhlonak pakhat a si. Hi Biakinn ah biaknak dang a si mi Hindu biaknak pawl khal Naute Jesuh hnenah thla an ra cam theu. Thluasuah pawl co in thla an rak cam sal theu tiah a rak sim.

         Puithiam cannak university pakhat ih thlarau lam lamhmuhtu Fr. Thomas S in kohhranpi pawl ih thinlung thathonak, tel pi nak, apawknak in pulhnat lakah Biakinn a rak sak theh ter. Tu vekih saknak cu minung pawl in mah le mah hi zat kan sak thei tiih uarawk dingah a si lo. Pathian le minung nai dingah, Pathian thawn thu ron aw dingah, Biaknak lam cangvaihnak pawl a umnak thawn kohhran mipi pawl khat le khat duhdaw aw in nelawknak um dingah a si tiah a rak simfiang.

         Tu vekih Biakinn sak hrih lo mi a liam zo mi kum (5) hrawngah hallkhaan hlun pakhat ah Missa Sumnak an rak tuah. Tui Biakinn thar ah biakkhawmtu (800) luan an tleng. Tu ahcun hi Parish ah kohhran mipi (2000) an um. Hi Biakinn ih um mi Parish cu Pawlpi hrangah (81) nak Parish pakhat ih a can thu, hi Parish sungah kohhranpi 2000 luan an um ih Diocese ih hnuai ah Parish (7) a um thu, biakthawinak ah Puithiam (100), Sr. (40) an um ih khawmzawhtu kohhran mipi (3500) an rak tel tiah an sim.

         Hi thuthang cu RVA thuthang ih kan ngah mi a si.

https://bit.ly/3hCtt1j