India thlanglam Diocese in Catholic tlawngta 500 hrang fimzirnak sumpai bawm (June 14,2022)

India thlanglam Diocese in Catholic tlawngta 500 hrang fimzirnak sumpai bawm

(June 14,2022)

              Mariayapuram St.Mary Cathedral ih Catholic tlawngta 500 hrawng cu 2022 tlawng thilri pawl an ngah. India ram thlanglam Andhra Pradesh ramthen Cuddapah Diocese ih Puihtiam Birusu Raja in cuih thilri pawl cu June 12 ah Kohhran nauhak pawl a pek. Tui kum ahcun phun thum ihsin collage a kaimi tlawngta 500 hrawng an um. Kumtin fimzir kum ah a harsa mi innsang ih tlawngta pawl cu innsang harnak tuar in an bawm. Timtuah cia nak cu hlawhtlinnak ih tawh a si tisehla atuvek fimzir kum ihsin thokin an harsat nak pawl felfai ter nak cu an thinphannak ih hrek a zia ter.

              Himi bomnak pawl cu S Bhai ihsin kuat mi a si. America, St.Peter Parish ih ummi India miphun mi pakhat hnen ihsin kuat mi asi. Amah cu atuvek harsa mi tlawngta pawl a bomnak kum 10 lai a si zo. Cathedral khal in kum 7 hrawng tlawngta pal tul mi thilri pawl an pe. Thenkhat kum ah tlawngta ih zatek 10 hrawng an pe thei. A hlutu pawl khal an lungawi.

              Bomnak cu a tam a mal timi a hrampi a silo. Bawmtu umin kiangkap fimzir thei dingin, thangso thei dingah bomtu umnak cu a thupi tuk tiin phun 10 tlawngta A Pinky in a sim. Fim thiamnak thaten zir thei dingah a tuvekin siangzet in in bom tu pawl in pek ruangah Bawipa hnen a lungawi thu phun hra tlawngta N Ratnam in khal a sim.

              Tulsam mi tampi a nei mi innsang pawl cu an fale pawl ih hmailam hrang famzir ding a tul. Cutilawngah tlawngta pawl cu minung pawlkom khal siseh, ram pi khal siseh cawm a theih ding. Fimzirnak cununram ah din dingah, in ei harsat nak cu pahsuak dingah tawh a si tiin Fr.Raja in a sim. Himi thuthang cu RVA thuthang ihsin kan don mi a si.

https://bit.ly/3Oinw7D