Indian Bishop pawl in kiangkap Biaknak lam le leilungpi thuhla Synodality ah ruat tlang.

Indian Bishop pawl in kiangkap Biaknak lam le leilungpi thuhla Synodality ah ruat tlang.

          Latin Bishops of India (CCBI) ih vei 34 nak Plenary Assembly a nihnihnak ah, Bishop pawl in synodal tidaan pawl le leitlungpi le  Biaknak dang pawl ih pehtlaihnakthu an rak ruat tlang. Vasai ih Archbishop Felix Machado in India ram ih dinhmun ah rualrem ten umnak ding hrangah kiangkap Biaknak pawl thawn nel aw ten pehtlaih awknak ah tah a tul tiah a rak langsar ter.

          A dang Biaknak pawl thawn a hngetkhoh mi pehtlaihnak ziangtin din a tul ti mi thupit ih ruahnak ah ‘thuhnok, tlaitluannak, le tuanvo pawl lak thiamnak cu a dang Biaknak pawl le nunphung nei tu pawl thawn a tha mi pehtlaihnak kilhimnak ah hniksaknak pathum an si tiah a rak sim. Ecology hrangah CCBI Commission ih Chairman, Bishop Alwyn D’Silva in ‘sersiam mi hmuahhmuah hnenih thuthangtha phuang dingah cun a sersiam mi pawl thawn a thianghlim mi pehtlaihnak kilhim hmaisa a tul’ tiah a rak sawhkhih.

          “Ramsung pawl thawn pehtlaih in ‘sersiam mi thawn a tha mi synodality, rannung pawl ih tumtah mi synodality, le rannung pawl hrang pehtlaihnak synodality hrang sawmnak ah Pope Francis in in rak zirh,” tiah a rak sim bet. A thianghlim mi Bawipai Thi le Sa puai tuah thok ni ah India le Napal ih Nuncio, Archbishop Leopoldo Girelli in a rak thok.

          Thuthangtha a simnak ah Archbishop Firelli in, St. Paul in a mah le mah tan aw in Khrih a pan vekin Gospel thuthangtha hi hnak in naih cio uh tiah Bishop pawl a rak sawm.Catholic kan si vekin, Pathian ih timlam mi vekin leilungpi thlengawknak hrangih bawmtu dinhmun ih cangvai dingah kawh mi kan si tiah Apostolic Nuncio in a rak sim.

          “CCBI Bishop pawl in remdaihnak, bangraannak, rualremnak le lungrualnak parih Pathian ih man ret zet mi pawl khaisang dingin Indian society hruaikai dingah lamhmuhtu meisa ih kan tuanvo kan hngilh lo a tul,” tiah Archbishop Girelli in a rak sim bet. Miseror ih Former Director, Monsignor Joseph Sayer in “Predicate Evangelium le nunram le Pawlpi hohanak lam ih a hnuaihnihnak” thupit in a rak sim ih “Gospel thuthangtha phuannak cu tonglam ih donkham tu pawl le nunphung dang awknak pawl ruangih sung lo ding a thupi tiah a rak sim.

          Nunphung lam kalh zawngih cangvaihnak, nunphung lam dangawknak le India ih Pathian thangthatnak lam in a rak langsar ter ih nunphung lam dangawknak ah Pawlpi ih lungrualnak din a tul” tiah a rak sim. “Pawlpi cu a nung ih pumkhat sinak, thianhlimnak, Catholic sinak, le dungthluntu sinak ih synodal tidaan pawl ah a langsar aw ter. Synodality in tongtu hnak in a ngaitu si dingah midang pawl ih hmuh daan on sak dingah in hniksak tiah a rak sim. Sun hnu ah, Bishop pawl in an mah thawn pehtlaihnak um mi hmun pawl reltlang dingah le Plenary Assembly ih theme (an thu luu) an rak ruat tlang.

          Hi thuthang cu RVA thuthang ih kan ngah mi a si.

https://bit.ly/3WNgMmA