Indian Catholic Bishop pawl in thureltlangnak ah synodal lam sunsak.

india_bishop_pawl

Indian Catholic Bishop pawl in thureltlangnak ah synodal lam sunsak.

          Indian Catholic Bishop's conference (CCBI) ih vei 34 nak plenary Assembly cu Jan 24-30  tiang India ram, Bengaluru khuapi, Health Sciences ih St. John's National Academy ah an tuah ding. "Telling Jesus's story in our context: The Synodal way" cu Assembly ih theme a si.  India ih Latin Diocese zate ihsin Catholic Bishop pawl cu an nitin nunram ah Bawi Jesuih thuthangtha ziangtin phuang ding ti rel tlang dingah conference ah an tel ding.

          Tumtahnak cu zumnak hngetkhoh ter dingah le India ih Catholic Pawlpi ih ton rero mi hniksaknak le caantha pawl tawlrelnak cu India Pawlpi ih mission a si. Cu mi cazin ih tel tu pawl ah Hyderabad ih Arhbishop Poola le Bangalore ih Machado le CCBI  ih general secretary, Fr. Stephen Alathara pawl khal an tel. Onnak thusimnak cu Cardinal Tagle, Biakthawinak lam Dicastery ih Pro-Prefect le CCBI hotu Cardinal Filipe Neri Ferrao in thu an sim ding. Cui hnu ah Leopoldo Girelli, Apostolic Nuncio in India le Nepal ah thusim mi a kuat ding.

          Pope ih cakuat cu CCBI hotu Bishop George Antonysamy in a siar dingih cui hnu ah Delhi ih Archbishop le CCBI general secretary, Anil Joseph Thomas Couto in annual report a siar ding. The Dicastery for Evangelization ih Pro-Prefect, Cardinal Luis Antonio Tagle le India le Nepal ih Apostolic Nuncio, Archbishop Leopoldo Girelli pawl an si. Hmaisabik ni ah Cardinal Tagle in "Telling Jesus's story in our context: The Synodal way" thawn pehpar in thusimnak a nei ding.

          Former director of Misereor, Monsignor Joseph Sayer in a nihnihnak ah "Predicate Evangelium le Pawlpi ih hruaikainak le nunram hrang cang thei mi pawl" thuhla a sim dingih general secretary, Bishop Anil Joseph Thomas Couto in "synodal pehtlaihnak thuhla pawl cu a dang christian pawl" thawn an reltlang ding.

          Vasai Archbishop Felix Machado in "innhnen Biaknak lam le synodal ih pehtlaihnak" thuhla pawl a sim dingih Ecology hrangah CCBI commission ih Chairman, Bishop Allwyn D'Silva in 'leilungpi le synodal pehtlaihnak thuhla a sim ding. Vishakhapatnam ih Archbishop, Mallavarapu in thurel mi lai a rel ding.Fr. M.A Joseph, CSSR in a nithumnak ah cinken tul mi thu pakhat a sim dingih commission sungtel pawl ih sim mi pawl a pholang ding. Poona ih Bishop Thomas Dabre in thurel tlang mi lai a rel ding. Calicut ih Bishop, Varghese Chakkalakal in Christian lungrualnak, innsang, mipi le nunau pawl parah hi commission pawl ih report lai a rel sak ding.

          Bangalore ih Archbishop Peter Machado in nilinak ah Liturgy, mivai pawl, thuthangtha phuannak pawl, PMOs le Suvarta Kendras parih an sim mi pawl tel in thureltlangnak ro a rel ding. Cui ni thotho ah, pumcawmnak pawl, ARMS, CDPI, Theology le Bioethics Forum parih sim mi a dang commission ih tawlrel mi sim a si dingih cu mi cu Patna ih Archbishop, Sebastian Kallupura in ro a rel ding. Ramnung pawl thuhla zinzoinak, mino, Bethania le Shanti Sadam parih commission report pawl cu Guwahati Archbishop John Moolachira in zaanlam ah a pholang ding. Raipur Archbishop, Victor Henry Thakur in pehtlaihnak thu pawl, media, fimzirnak, harhdamnak le social service pawl parih commission report pawl in session dang ro a rel ding. Netabik nihnih cu pursum leilawnnak lam hrang le cu tawk ih Bishop's Council ih report thu hla relnak le an tuah mi pawl hrangah caan an ong ding.

          Hi thuthang cu RVA thuthang ih kan ngah mi a si.

https://bit.ly/3kErmig

Add new comment

5 + 3 =