Indian Jesuit thuruathiam le cangan thiam, Fr. A Adappur nunnak cem.

Indian Jesuit thuruathiam le cangan thiam, Fr. A Adappur nunnak cem.

(December 06, 2022)

Fr. Abraham Adapper SJ (1926-2022)

          Thusimthiam le cangan thiam zet mi ti tla ih mi theih tam zet mi Fr. Abraham AdapperJesuit cu a kum 96, Dec 6 ah Christ Hall, Kerala ramthen, India thlanglam ih khuapi Kozhikode ih Jesuit Kerala Parish ah a nunnak a rak cem. A mah cu communist ruahnak dodal tu Catholic humhimtu thuruat thiam le cangan thiam tiih ruah mi pakhat a si ih cin le daan le nunphung lam pawl ah tha tho zet in an rak reltlang. A ruak cu tlawngkai nikhat, Dec 5 ah Christ the King Church ah an vui ding. Fr. Abraham Adappur cu 1926 ah Kochi ihsin km 40 hrawng a hlat nak Arakkzha ah a rak suak. 1944 ah Jesuit Congregation ah a rak lut ih 1959 ah Puithiam cannak a rak ngah.

          A mah cu US ihsin Psychology in master degree a rak ngah ih acozah ih scholarship thawn French university ihsin doctrine a rak ngah. Second Vatican Council caan sung (1962-1966) tiang, Rome ih um Jesuit zungpi ah hna a rak tuan ih Kerala ah mipi thawn pehpar mi a phunphun ah Council ah ca a rak ngan dah.

          Fr. Adappur cu Kerala khuapi ih hman mi tong hmang ve mi Malayalam ah Mithianghlim Mother Theresa of Kolkata ih thuanthu hmaisabik rak ngantu a si. A mai communit lam thawn pehpar in Catholic pakhat ih hmuhdaan tha ten cek fel dingah kaupin an rak relkhawm. Kerala state ah communist party cu uk tu ding ah vei tampi hrilnak rak ngah tu a si ve. A mah in Biaknak lam, nunphung, cin le daan le thlarau lam thawn pehpar mi thulu thawn a ngan mi ca uk 30 hrawng le mi siar duh zet mi thuthangca pawl le magcazine pawl tampi a rak nei.

          A mah in cultural Forum and Catholic Congress award for Literature ihsin the Best book award (ca uk tha bik) laksawng vei tam nawn a rak ngah. Fr. Adappur cu ramkhel, literature le cinema lam ih buainak pawl thuk zet ih reltlang dingah Kochi ih rak din mi Lumen Institute ah kum 50 zikte a caan a rak hmang. Cangan tu tampi, thuthentu pawl le cangvaih nak ih tel tu pawl lamhmuhtu pakhat khal a rak si. Tamsawn ahcun Fr. Adappor cu vernacular tong ah mi menmen pawl catholic theology lam ruahnak tha a kennak ruangah man a si bik ding.

          Hi thuthang cu RVA thuthang ih kan ngah mi a si.

https://bit.ly/3UtY8yM