Indian President in Christian pawl hremnak a tam deuhdeuh mi thuthang pawl parah a thinnuam lonak langter.

india_president_in_christian_pawl_hremnak_a_tam_deuhdeuh_mi_thuthang_pawl_parah_a_thin_nuam_lo_thu_lang_ter

Indian President in Christian pawl hremnak a tam deuhdeuh mi thuthang pawl parah a thinnuam lonak langter.
India ih President, Droupadi Murmu cu Delhi khuapi ih Christian hotu pawl ih ai-awhtu pawlkom thawn President hauhruang Rashtrapati Bhawan ah April 13 ah an rak tongawk.Ai-awhtu pawlkom ah Delhi khuapi ihsin Catholic Archbishop Anil JT Couto, Methodist Bishop Subodh Mondal, saklam India Pawlpi in Bishop Paul Swarup, director Michael Williams le Mrs. Tehmina Arora pawl an rak tel. Ai-awhtu pawlkom cu Pope Francis ih thluasuah rak pek mi Tuukhaal tha, Bawi Jesuh mansalnak pakhat, Bible Cathianghlim cawnnak le milai pawlkom lam thil phuhphun a nepnawi ih hrilhfiahnak lam ca pawl an rak ap.
A hleice in Uttar Pradesh le Chhattisgarh ramthen pawl ah Christian pawl tuahmawhnak nasa zet pawl thawn pehpar in President in a tawi zawng in a rak sim.Feb 19, 2023 ah Delhi khuapi ih um pehtlaihnak nei mi Christian 22,000 hrawng in New Delhi, Jantar Mantar ah remdai ten duhphorhnak an rak tuah.Christian hotu pawl in cui ni ah capi ngan in President thawn tongaw dingah tikcu caan an rak lak. Ai-awhtu pawl hnenih thu a sim theh hnu ah, Murmu in Jharkhand le Odish ih a caan hman mi pawl mangsal in Pawlpi, Sister pawl, le a dang Christian community ih teltu pawl mangsal in a rak sim.
A mahin harhdamnak, fimthiamnak, le ram dinnak pawl ah tihphannak um lo ih an tuan mi pawl a rak lawm. Cui hmun ih Sister pawl thawn volunteer a tuan caan khal a rak sim. Murmu in 1999 ah India nisuahnak lam, Odisha ramthen ah a fapa pahnih thawn thahnak rak tuar tu Australia riantuantu Graham Stanies ih riahsia za a sunnak a rak mangsal. Feh theilo ih a rak um ruangah a sirawk thu a rak pholang. Christian pawl hmuitin mi thuthang pawl a siar thu khal a rak tarlang. Asinan, hi tuahmawhnak pawl cu India ram ih mi malte lawng ih tuah mi a si tiah a zum. Bangawk lonak pawl ah lungrualnak a um rero lai.
Capi ih tarlang vek a si le ralkap le upadi lam diriamnak, Christian innsang pawl hnaihnoknak le pawlkom pawl donak tawlrel dingah fiangter dingin a mah ih thuneihnak sungah a tuah ih cawhkuan a tuah ding thu ai-awh tu pawl hnenah hngetkhoh zet in a rak sim.
Hi thuthang cu RVA thuthang ih kan ngah mi a si.
https://bit.ly/43ymnS2

Add new comment

5 + 0 =