Indonasia, Biaknak lam minister in Pope Francis, Indonesia ih tlawng dingah sawm a duh. (March 10, 2022)

Indonasia, Biaknak lam minister in Pope Francis, Indonesia ih tlawng dingah sawm a duh.

(March 10, 2022)

         Indonesia ram ih Biaknak lam minister Yaqut Cholil Qoumas in Pope Francis cu Indonesia tlawng dingah a sawm ih a bawng aw lo mi Indonesia ih mawinak le Indonesia ram ih Catholic Kohhran mipi pawl cibai buuk ter a duh thu, tu ahcun pulhnat ruangah a feh thei hrih lo nan dinhmun a remcang sal tikah a feh leh thei thu, Indonesia ram tlawng dingah zaangfah a dil thu, minister cu Pope Francis thawn 2019 ah an rak tongaw ih a mah thawn an rak tonawknak tui ni tiang a hngilh thei lo thu, Pope Francis ih nelawknak, tlaitluannak, bangawklonak a cohlan theinak a rak lawm.

         Cui an tonawk lai ah minister in Indonesia ih thlun rero mi khat le khat theithiam aw in a cohlan thiam thu a sim tikah Pope in Indonesia a duhdawt thu a rak sim tiah an sim. Minister ih thinlungte ih a duh mi cu Indonesia ram pumpuluk ih um mi zumnak a bang aw lo mi biaknak khat le khat duhdaw aw in nelawknak um dingah, remdaihnak le pawlkom tinkim telnak hrangah Biaknak lam ih kilkhawinak thawn Indonesia Catholic Bishop pawl pawlkom ih Bali tikulh, Nusa Dua ih hoha nak ah thei ternak an rak neih thu March 08, tlawngkai nihnih ni ah a rak sim.

         Tui hohanak tuahnak cu Biaknak lam minister in a rak lungkim zet. Ziangah tile Biaknak lam thuhla lawng si lo in tidaan tha mi, ziangvek miphun khal thleidang lo mi unau rualremnak um theinak pawl khal telh in an rak rel suak thei. Pope cu leilungpi in a thei ih hi vek minung Indonesia ih sawmnak thawngin Indonesia ah miphun tampi a um ti leilungpi ih theih cia mi a si.

         Curuangah ziangvek leitlunhuap Biaknak lam hotu khal sisehla Indonesia ih thlennak cohlan a tul thu, hi sawmnak cu a dang aw mi tidaan lungrualnak an upat thu langternak a si ih a hmuah thu a sim. Pope siar lo ah Grand Sheikh Al-Azhar Ahmed Al-Tayed vekin leilungpi ih theih mi Biaknak lam hotu khal sawm dingah a timlam thu, an pahnih in leitlunhuap hrangah dungsiip lo in zuamnak thawn a tuah tu pawl an si thu, 2019 ah hi hotu pahnih cu Arab pawlkom sungtel a si mi Abu Dhabi ah ‘Human Fraternity for Peace and Living’ (remdaihnak le nun khuasaknak hrangah unau pawl) tiih hmin pek mi thuthan pakhat khal an rak suah tlang.

         Indonesia ram ih Catholic Bishop pawl pawlkom ih secretary a si mi Fr. Paulus Christian Siswantoko in a mah dinhmun in Pope Francis Indonesia ram ih Biaknak lam minister hnenih cang mi a si thu a rak sim. Pope pawl sungin Indonesia ih thleng dah tu cu 1989 ah Pope St. John Paul II a si. Pope Francis cu covid-19 a can hlante ah Asia ram pawl a si mi nisuahnak lam Timor, Papua New Guinea le Indonesia ih tlawng dingah timlamnak an rak nei. Indonesia ram cu Muslim zatek 80 luan a um mi ram a si ih mipum ih taan 273 hrawng an um. A taang lai mi mipum ih taan (28.82) cu Christian pawl an si thu June, 2021 ih cazin vekin theih a si. Christian mipum sungin taan 20.4 cu thenthek mi pawlkom Christian pawl an si ih taan 8.41 cu Catholic Kohhran mipi pawl an si.

         Hi thuthang cu RVA thuthang ih kan ngah mi a si.

https://bit.ly/3ivgZce