Indonesia ah Production and Reporting training nei.

indonasia_ah_production_le_reparting_training_tuah

Indonesia ah Production and Reporting training nei.

          Indonesia National office of social communication OSC le Jayapura Diocesan OSC kom aw in January 30-31 tiang content Production and Reporting training cu Indonesia ram Merauke Archdiocese ih St.Nicholas seminary ah an tuah. Himi training cu Kohhran ih social communications hrang thazang le hmunkhat ih hnatuan tlang nak bawm dingah a si.

          Indonesia Bishops' Conference (KWI) OSC ih secretary Fr.Steven Lalu in Kohhran ih social communication ih tuanvo le sidaan simfiang nak thawn training a rak ong. "Komos (komunikasi social, social communication) ah lungawi ten riantuan nak in hmailam ah zirtlang nak le tuan tlang nak a um ringring. Komsos ih thansonak cu a thupi, curuangah kan thiam nak pawl cu pawlkom nak le kohhran hrang lawng siloin a lenglam khal ah a thangso" tiin Puithiam in a sim.

          Komos ih Bandung Diocese ih Christopher Adisurya, Komsos ih Denpasar Diocese ihsin Samuel Krismanto le UPP KAS ihsin Franciscus Borgia Edgar pawl cu training ih tel tu pawl zoh fel tu tiin an tel ih thuzirhnak le thureltlang nak ih ngah mi pawl cu Jayapura Bishop hnen ah theihter nak an nei.

          Feb 1 le 2, Jayapura Diocese ah October 27 ah Pope Francis in Jayapura Diocese ih Bishop thar Msgr. Yanuarius Teofilus Matopai You in ordination tuah a si ding. Training ah Parish team in mi 45 hmin an pek. Nikhat nak training ah live thlah daan, audio capture, multimedia creation le social media content pawl an zir.

          Thusimnak, thusuhnak le a sannak pawl an tuah theh in a tel tu pawl cu mi 7 ciar in group an then ih an zir mi thu thawn assingment pawl tuahnak an nei. Anmah a zohkhen tu le a tel tu pawl in thuhla pawl reltlangnak an nei. Himi training ah comment pawl, pom tlangnak le thusuhnak pawl tampi an nei. An thilri pawl cu Jayapura Bishop thar ordination thawn a pehpar aw. Training ih a tel tu pawl cu Jayapura Bishop ih oridination ih report peknak ah an tel cih ding. Himi thuthang cu RVA thuthang ihsin kan don mi a si.

https://bit.ly/3HDakJk

Add new comment

7 + 9 =