Indonesia Catholic Bishop pawl pawlkom in Synod tuah ding (November 11, 2022)

Indonesia Catholic Bishop pawl pawlkom in Synod tuah ding

(November 11, 2022)

          Idonesia Catholic Bishop pawl pawlkom (KWI) ih secretary, Fr. Paulus Christian Siswantoko in Indonesia Catholic Bishop pawl ih synod conference cu “Walking Together to Realize Fellowship, Participation, and Mission’ (kekar tlangnak, tel pinak le mission hnatuannak thawn nelawknak mang sal dingah) timi thu hrampi thawn Nov (14-18) tiang Indonesia ram, Bangdung ah an tuah ding tiah a sim.

          Bishop pawl dinhmun in Tuukhaal khat le khat lak ih rualremnak umnak, Tuukhaal pawl le Pathian ih miphun lak ah kekar tlang in Pawlpi ihthupit ih kawhnak a si mi Pathian thuthangtha phuang dingah an tumtah thu, cu vekin Indonesia Catholic Bishop pawl pawlkom ih kuthnuai ih um mi commission pawl, Biaknak lam pawlkom pawl Tuukhaal hnatuan ruah tlangnak pawl, tul sam mi pawl, dil mi pawl khal an theih ding thu, hi vekih tuahnak thawngin a dang pawlklom pawl thawn remdai ten, upatnak thawn ralring ten kekar tlang dingah a si thu, hi synod ah Archbishop, Archdiocese (34) ih Bishop pawl, commission phunphun ih secretary pawl, Biaknak lam pawlkom pawl ih secretary pawl khal an tel ding thu a sim.

          Onnak caanserh ah Indonesia ram ih Vatican Ambassador le Catholic sungkua pawl lamhmuhnak pek tu general secretary pawl khal an tel ding thu, Indonesia Catholic Bishop pawl pawlkom cu 1955 ihsin an rak din. Asia Catholic Bishop pawl pawlkom thawn an pehtlaih thu, Indonesia ram ah Catholic Bishop (37) an um ih Bishop (2) cu an kum upa thlang ruangah an cawl zo ih Bishop 35 pawl cu Archbishop, Archdiocese pawl ah thatho ten lam an hruai rero thu theih a si.

          Hi thuthang cu RVA thuthang ih kan ngah mi asi.

https://bit.ly/3X1voQw