Indonesia Catholic pawl in linghnin nak ruangah tuamhlawm tul mi pawl bomnak an phuan ih nunnak cem tu khal 268 tiang tthang. November 23, 2022

indonasia_linghninnak

Indonesia Catholic pawl in linghnin nak ruangah tuamhlawm tul mi pawl bomnak an phuan ih nunnak cem tu khal 268 tiang tthang.

November 23, 2022

            Indonesia Catholic pawlkom in 2022, November 21 Cianjur ih linghninnak ruangah cangvaihnak tampi an nei ih mi 268 an nunnak an liam zo ih mi za hrawng an hlo lai tiin an sim. Himi mi harsa pawl bomnak ah Indonesia ih Caritas le rampi pawlkom pawl, Bogor diocese ih caritas, Bondung Diocese ih Caritas le Jakarta Archdiocese ih Institute of Daya Dharma (LDD) pawl khal kom in an tuan.

            Pawlkom cu Parish pawl thawn then a si. Parish pawl ih bawm tu pawl in harhdamnak lam le in ei pawl thawn an bawm. Indonesia caritas director Fredy Rante Torukin Gogor diocese ih caritas pawl cu thil a can hleice nak ah hna an tuan tiin an sim. “Kohhran ihsin pawlkom pawl in thuhla pawl finkhawi dingah le a tul mi pawl an tuah” tiin UCA thuthang ih sim mi thawn pehpar in Toruk in a sim. National Disaster Management Agency (BNPB) ih an sim nak vekin Cianjur linghninnak ruangah mi 268 an nunnak an liam ih, 7000 hrawng tuamhlawm an siih, inn thawng tampi, tlawng pawl, le innpi pawl a siatsuah.

            Indonesia ih mi tampi umnak ni tlak nak Java Cianjur hmunlai ah tlawngkai nikhat ah 5.6 tha a nei mi ling a hnin. A thi tu tamsawn cu himi linghnin ruangih an inn pawl a cim ruangah a si. Himi hmun ah 2.5 th luan mi an um ih, Cianjur ih khuapit bik nak ah mi 175,000 an um. Thunei tu pakhat ih sim mi cu a tamsawn hmun pawl cu a hla ih mi tampi ziangtin an thi timi an theih lo thu a sim.

            Indonesia cu adang Asia ram pawl vekin linghnin nak a cang theu. Tlawngkai nikhat ih a cang mi 5.6 tha a nei mi linghnin cu 10km (peng6) suangah a  hnin. Himi thuthang cu RVA thuthang ihsin kan don mi a si.

https://bit.ly/3tXTbUc

Add new comment

4 + 2 =