Indonesia khuabawi (governor) cu Pope thawn Vatican ah tong aw dingnak nei (May 19, 2022)

Indonesia khuabawi (governor) cu Pope thawn Vatican ah tong aw dingnak nei. (May 19, 2022)

            Pope Francis cu Indonesia ram nitlak nak lam Java ih khuapi uktu Ridwan Kamil thawn an tong aw ding. Bandung Bishop Antionius Subianto Bunjamin in khuapi uktu (governor) Kamil thawn an va ton lai ah amah in mipi hnen a sim nak a si.

          Khuapi uktu (governor) Kamil in "ramdanglam tuanvo pawl tuan thei dingah khuan nak ngah dingah ka dil. Vatican ih feh nak ding tuah ding pawl lakah Pope thawn tong aw ding khal program pakhat a si"? tiin May 17 ah a sim.

          Nitlaknak lam Java ih tuah rero mi Ulama (Islam biaknak lem hotu) English program tuah daan a duh thu Pope in asim thu Kamil in a sim. Himi program cu minung pawl ih man le tuar thei nak thinlung a bom thu Kamil in a sim bet. Cuihleiah Ulama hrang English program cu leitlun hrang  a that thu theihpit mi asiih Vatican ihsin sawmnak ngah asi thu khuabawi in a sim.

          Indonesia Bishop pawl pawlkom secretary Bishop Bunjaman cu Vatican ih sawmnak cu mi theih dingih a than hlan khuabawi (governor) thawn an reltlang. Kohhran upa pawl dinhmun khalin cozah ih zuam nak  si mi Indonesia ah ahleice in nitlak nak lam Java ah biaknak lam pawl lungrual nak um dingah zuam nak a duh.

          Bishop ih a hnget mi zumnak cu khuabawi thawn Vatican ih tonawknak cu nitlak nak lam Java ah biaknak zate hrang remnak a thang ding tiin a si. Bandung cu Java tikulh ih nitlak nak lam ih ramthen pakhat ah a um ih ramthen ih khuapi khal a si. Nitlak nak lam Java ramthen ih dunglam ih um mi ram ih khualipi Jakarta ihsin 151.35 km a hla tiin an sim. Himi thuthang cu RVA thuthang ihsin kan don mi a si.

https://bit.ly/3MDfaqV