Indonesia ram ih Christian hotu pawl in Pathian thangthat dingah le duhdawtnak um mi pawlkom din dingah technology hmang dingin forhfial,

Indonesia ram ih Christian hotu pawl in Pathian thangthat dingah le duhdawtnak um mi pawlkom din dingah technology hmang dingin forhfial,

November 28, 2022

          The Indonesian Bishop’s conference (KWI) le Indonesia ih Biaknak lam pawlkom (PGI) in Indonesia ih Christian pawl in theih tha mi thar le pehtlaihnak hrangah social mesia pawl cu Pathian thangthatnak dingah le duhdawtnak um mi pawlkom din in hmang dingan an rak forhfial. Hi mi cu Christmas thuthangtha darhnak pakhat Nov 21 ih Catholic Pawlpi le Protestant hotu pawl ih an rak sim mi a si.

          ‘Mi tampi ih thinlung a nuam ter ih thinlung sung tiang thleng mi ruahnak pawl le Pathian thuthangtha simnak pawl ngan cio uh si’ tiah an tarlang. “Minung khat le khat leh kiangkap sunsaknak ih danglamnak pawl lak ah um tlangnak ih mawi zia thuhla zuk tarlang uh” tiah a sim bet. Catholic le Protestant hotu pawl in an mah a thluntu pawl hnenah thindai ten le remdai ten thudik, tlaitluannak, lungrualnak le thudik ih man hlat zia darh dingah huatawknak tongkam pawl cawl dingah an sim.

          “Huatawknak tongkam do dingah le um tlang nak siatsuah tu a hman lo mi thuthang pawl do dingah ralthatnak nei cio uhsi” tiah catlang ah an tarlang. Christmas sunloihnak ah hotu pawl in an mah thluntu pawl social mesia parih fim deuh dingah le bengvar deuh dingah duhdawtnak phuannak ah thil tuah thiam deuh dingah le thudik ah ziaza le cin le daan pawl thlunnak ih rin um dingah, cu lawngah Pathian ih duhdawtnak cu a karh sinsin dingih remdaihnak co a ol deuh ding tiah an rak sim.

          “Mi tampi in an inn pawl, Biakinn lam ih pawlkom pawl ah duhdawtnak le remdaihnak ih ambassador cang dingih sim dingah social media ih pek thei mi tuah mi tidaan pawl hman a tul” tiah hotu pawl in catlang ah an tarlang. Cu lawng si loin thlarau lam khal hmu thei mi tidaan dang hawl dingih forhfialnak ah Christmas thuhla ruat cio dingah hotu pawl in an rak sawm. Cu mi ti duhsan cu Bawi Jesuh ton ngah hnu ah minung pawl in mithar pakhat cang dingah tidaan hlun pawl si loin tidaan thar pakhat ah an khuasak.

          “Christmas in Pathian ih duhdawtnak midang pawl le sersiam mi zate hnenih karhzai dingah a thar ih tuah mi tidaan pawl hawl dingah khal in sawm” tiah catlang ah an pholang. Indonesia ih Christian Pawlpi hotu pawl in a bang aw lo mi mai tidaan cio ih kekar tlang ding an duh. An mah cu Bawi Jesuh hawl hmu dingah an khualtlawnnak lamzin ih hniksaknak pawl le harsatnak pawl rak pahsuak thei tu nisuahnak lam ih mifim pawl ih thuhla pawl thawn tuah dingah tharthawh mi an si.

          “Danglam awknak cu Pathian hnenih kan ngah mi a si ih sawmdawl dingah a si. Pathian hnenih kan ngah mi laksawng tiih kan theih mi danglam awknak cu sinak nunram ih kekar tlang nak ih tel dingah in forhfial” tiah an tarlang. Asinan, kekar tlangnak lawng in khat le khat theihthiam awknak, cohlan awknak, thu ngai sak awknak le kan ram sungih um mi kekar tlang tu pawl zaten upat awknak a um dingih thakhohnak in tuah thei ding. Mi siatsuah thei mi le a tha lo mi ruahnak pawl kan hrial thei ding.

          “Unau sinak le remdaihnak nunphung pakhat kan sawmdawl” tiah catlang ah an tarlang.Indonesia mipi taan 23.5 hrawngah zateek 10 cu Christian (protestant le Catholic) cazin sungtel an si. Mipum taan 16.5 hrawng in protestant zirhnak an thlun ih a dang taan 7 in Catholic zirhnak an thlun.

          Hi thuthang cu RVA thuthang ih kan ngah mi a si.

https://bit.ly/3GWuvDi