Indonesian Youth Day; Mino pawl tho uhla hriamhma tuar tu leilungpi ih teettee pawl si hram uh.(June 27, 2023)

Indonesian Youth Day; Mino pawl tho uhla hriamhma tuar tu leilungpi ih teettee pawl si hram uh.(June 27, 2023)

          The Indonesian Bishops’ Conference ih youth commission in June 26-30 tiang, Indonesia, South Sumatra Province ih Palembang Diocese ih tuah rero lai mi a veithumnak Indonesian Youth Day (IYD) an rak tuah.

         Caanserh tawl rel tu ih sim vek a si le, leitlunhuap mino pawl ih puai ni ih thuluu cu, “Bawinu Maria cu zamrang ten a tho ih a feh” timi (Luke 1:39) sungta in hriamhma tuar rero mi leilungpi tha a pek ih teettee khaan dingah Indonesia Catholic Youth (ICY) pawl a rak thangphawk.

          An pawlkom ah pre-IYD, the actual-IYD, le post-IYD tiin pathum a um thu a rak simfiang. Pre-IYD caanserh in Parish le diocesan mino pawl hnenah an mai a cang thei mi le Bawi Jesuh le a thuthangtha theih fiangnak tam sinsin ti thei ter dingah a rak forh.

          Caanserh pahnihnak, the actual-IYD in hnatuannak zung pawl, Biaknak phunphun tonawknak pawl, nunphung hlawmawknak, le thu reltlangnak ti vek cangvaihnak tampi a tel. Caanserh ih netabik, post-IYD caanserh theh hnu ah an tuah dingih an mah thawn pehtlaihawknak nei mino pawl le an hnatuan mi pawl lamhmuh dingah tumtahnak a nei.

          Indonesian Bishops’ Conference’s Youth Commission hotu, Ketapang ih Bishop Pius Riana Prapdi in caanserh on puai ih tel tu Bishop 11 thawn Missa sumnak an rak tuah. The Indonesian Bishops’ Conference (KWI) hotu, Bandung ih Bishop Antonius Subianto Benjamin Missa sumnak a cemnak a hoha ding.

          ICY cu Indonesia ih kum nga veikhat tuah theu mi mino pawl pumkhawmnak a si. Cu mi cu 2012, October ah Sanggau Diocese ah an rak tuah thok ih cui hnu 2016, October ah Manado Diocese ah an rak tuah; a veithumnak cu 2021 ih tuah an tum nan pulhnat ruangah 2023 ih tuah sal dingin a ni an rak thawn.

          “Palembang ih tonawknak cu a tel tu pawl hnenah “tonawknak, zumnak hlawmawknak, zumnak hngetkhoh ter dingah le Catholic Kohhran mipi pawl le Indonesia miphun pawl umnak ah ICY hrangah thangphawknak pakhat dinhmun in a rak tuah thei,” tiah thuthang suah mi ah an rak tarlang.

          Press Conference ah, Bishop Pius Riana Prapdi, KWI Youth Commission hotu, Fr. Frans Kristi Adi Prasetya, KWI Youth commission ih secretary, le the Palembang Archdiocese’s Youth commission hotu le OC IYD 2023 hotu, MSC, Fr. Albertus Magnus Kristiadj Rahardjo pawl an rak tel.

          Hi thuthang cu RVA thuthang ih kan ngah mi a si.