Innsang pawl ih kum ah nu le pa pawl bom nak tam vivo dingah Vatican in a duh. March 18, 2021

Innsang pawl ih kum ah nu le pa pawl bom nak tam vivo dingah Vatican in a duh.

March 18, 2021

            "Amoris Laetitia" "duhdawt nak ih lungawi nak" tiin hmin a nei mi Pope ih capi cu kum 5 a kim zo ih, innsang pawl ih kum cu thaisun in a thok ding. Atuvekih nemhnget asi nak cu ahleice ih tuanvo a nei tu mi pahnih a si mi Cardinal Kevin Farrell in "tuikum cu kawhhran hrangah innsang pawl thawn nai awk sinsin dingah caan tha a si vekin harsat an tuar caan ah anmah thawn um in an buai nak pawl ngai sak in nitin nunnak ah duhdawt nak nung ter dingah Pathian riantuan nak tuah dingah caantha khal a si" tiin a sim.

            Mi menmen pawl le innsang pawl hrangah Pope zungih upa asimi Gabriella Gambino in "innsang thawn pehpar in Pope ih capi a simi duhdawt nak ih lungawi nak timi sung nak ton caan ah bawm maw bawm lo timi thusuh nak tuah siloin kutsih nak saramentu le Khristian innsang pawl ih mawi nak lang ter tu tuah nak phun tuah dingah a si. Cumicu nauhak pawl le mino pawl in hmu in kutsih nak laksawng duh nak thinlung nei ding ah khal a tul thu" a sim.

            "Kan daan pawl, nunphung um daan pawl, fehvah cangvaih nak pawl, tong pawl le kawhhran ih pawlkom pawl cu innsang nunram thawn kaih aw dingin a thleng zo maw" timi thusuh nak khal ruat sal ding a tul thu khal sim in a ralai dingmi kum June thla ah tuah dingmi leilung pumpi ih innsang pawl Rome ah ton awk nak hrangah a tu ah timtuah nak tuah rero a si thu a sim bet. Himi thuthang cu Rome Reports thuthang ihsin kanngah mi a si.

Photo courtesy of: Rome Reports/Google images 

https://bit.ly/3r7Yqwy