Internet ih thuthang pawl cu Benedictine sister pawl hrangah caantha pakhat a si. May 11, 2020

Internet ih thuthang pawl cu Benedictine sister pawl hrangah caantha pakhat a si. May 11, 2020

          San Pelayo sister tlawng cu Asturia mah te uk awk nak hmun ih Oviedo khuapi ah a um. Cui hmun cu Spain ram ih nitlak nak lam ah a um.

          Himi sister tlawng cu (994) kum lam ih a um zomi Benedictine sister tlawng a si. Sister pawl ih a hleice ih hnatuan cu cauk tuah, cauk a sia mi pawl tuah that sal a si. 2016 kum in thokin an pawlkom ih khuasak nak hrangah hmuk hnatuan nak an bet. Sister pawl cu hmuk a phunphun tuah in a thianghlim mi kar sungah an zuar. Asinan tui kum ahcun covid-19 ruangah pasca caan sung hmuahhmuah inn sung ih relh rero asi ruangah an mah hnen ta hmuk a ra lei ringring tu pawl thawn pehzom awk nak an nei nawn lo.

          Curuangah an kiangkap ih um pawl hnenah sutin bawm a tul mi pawl an bawm thei. Spain thuthang suah nak hmun pakhat asimi ABC line in Whatsapp a hmang tu line a hmang pawl hnenah sister pawlin bawm nak in an hmuk an zuar thu, asinan lei tu an um lo thu a tar lang. Cui tarlang nakin ruah ban lo in a lei tu an um ih, zorh cawk lo tluk an si.

          Cui thuthang suah nak hmunin sister pawl ih tuah mi cu harsat a tuar tu pawl thawn sungkhat vekin um nak a tha bik ih lang ter daan a si thu, sister pawlih ruahban lo ih an pek awk nak khal an lawm ih, Internet ih thuthang in khuasung mipi pawl sim khawm in sister pawl ih hnatuan daan an upat a si. Ziangruangah tile hi sister tlawng khal hlanlai ihsin himi khuapi sung ih um mi pawlkom in a rak um tu pawl an si.

https://bit.ly/2Wqg7eL