ISIS pawl ih kaih-hren rak tuar dah tu Syrian Catholic monk (siangbawi) pakhat Homs ih Archbishop dinhmun ah hrilnak ngah

Archbishop Jacques Mourad, the new Syrian Catholic archbishop of Homs, Syria. | Credit: CANArchbishop Jacques Mourad, the new Syrian Catholic archbishop of Homs, Syria. | Credit: CAN

ISIS pawl ih kaih-hren rak tuar dah tu Syrian Catholic monk (siangbawi) pakhat Homs ih Archbishop dinhmun ah hrilnak ngah

Syria ih Catholic monk pakhat, Fr. Jacques Mourad (54) cu Syria ram, Homs khuapi ih Archbishop thar ah khaisan a si. Anih hi 2015 ah terrorist hminthang ISIS pawl ih kaih a rak tuar dah tu a si.

Himi Fr. Jacques Mourad ih bishop cannak cu Syrian Catholic Patriarch Ignace Youssif III Younan ih hohanak thawn March 3 ah rak tuah a si. Missa sumnak ah Syria hrang ih thlah mi Pope ih palai Cardinal Mario Zenari, Melkite Greek Catholic Patriarch Yoseph Absi, Syrian Orthodox Patriarch Mar Ignatios Aphrem II le bishop dangdang pawl tla an tel.

Antioch ih Syrian Patriach uksung le Vatican pehtlaih-awknak tuanvo neitu Bishop Flavien Rami Al-Kabalan in “archbishop thar cu a nunnak hmuahhmuah Bawipai’ kuk sungah a ap zo a si” ti’n a sim.

Archbishop thar cu rundamnak hrangih tul mi sacrament pawl thawngin minung tampi hrangah thlarau lam ih pa si dingah le thlacamnak le supnak thawn mi hmuahhmuah thazang petu dingah Pathian ih tuanvo pek mi a si ti khal in Bishop Flavien Rami Al-Kabalan cun a sim bet.   

Fr. Jacques Mourad cu hmai hup ih hriamkai tu Islamic State ralkap pawl in 2015, May thla ah Syria ih Mar Elian Monastery tlawng ah an rak kai.

Thla 5 sung kaih-hren a tuar lai ah a or ah nam thawn rek phah in hringhronak vei tampi a rak tuar.

Hi tluk ih hringhronak maksak lak khalah kaih-hren a tuar sung hmuahhmuah Jesuh Khrih a zumnak ah fek zet le rin um zet in a ding thei.

Kum upa tuk lomi Muslim mipa pakhat ih bomnak thawn luatnak a rak ngah mi khal a si.

A Christian zumnak rak hnong duh sehla cu ol te’n rak luat thei a si tuk zo nan, a zumnak hnon ding a duh lo ruangah thla 5 sung rori kaih-hren a rak tuar nak a si.

Himi thuthang cu RVA thuthang ihsin kan don mi a si.

https://bit.ly/3ytoCaW

 

Add new comment

1 + 2 =