Islam ram, Qaraqosh khuapi ah nauhak 172 cu aveikhat nak Bawi Jesuh Thi le Sa ngah (June 8, 2022)

Islam ram, Qaraqosh khuapi ah nauhak 172 cu aveikhat nak Bawi Jesuh Thi le Sa ngah.

(June 8, 2022)

            ISIS pawl ih uk mi Qaraqosh khuapi ah nauhak 172 cu a veikhat nak Bawi Jesuh Thi le Sa ngahnak cu Iraq Biakinn ah lungawi zet in an tuah. Caanserh cu June 3, tlawngkai ninga ih an tuah nak a si.

            Himi thuthang cu Chaldean Puithiam Fr.Karam Shamosha in a twitter ah a tar lang. "Qaraqosh ih Baghdida ah nauhak 172, mipa 99 le nunau 73 cu a veikhat nak Bawi Jesuh Thi le Sa an ngah tiin Puithiam in a twitter ah a tar lang ih, pehbet in "Hi tawk hmun cu Khristian pawl ci mit ter dingah ISIS pawl ih nasa zet ih do nak a tuar tu hmun a si ih, tuini tiang au hrih a si, kan ralthat nak le kan Thinglamta thawn kan neh" tiin a sim bet.

            Himi khuapi cu 2014 August ihsin 2016 October tiang ISIS pawl uk nak a tuar tu a si. Khristian tampi cu himi caan sungah an um nak khuapi ihsin tlan dingah a forhfial, asinan innsang thenkhat pawl cu himi tuahmawh nak sung ter dingah an kir sal. Golbal community ih bom nak thawn Qaraqosh dinsal nak hrang an zuam rero. Pope Francis cu himi khuapi ih miraltha pawl tong dingah le Tuu khaal khual tlawng phah in an ram ih nisuah nak lam a laifang nak ah 2021, March thla ah a rak tlawng dah. Himi thuthang cu RVA thuthang ihsin kan don mi a si.

https://bit.ly/3NyAbUq