Islam ruah nak luanpawl ruangih a hlo tu Sister pahnih him zet in an hmu sal Sep 7, 2020

Islam ruah nak luanpawl ruangih a hlo tu Sister pahnih him zet in an hmu sal

Sep 7, 2020

            Mozambique lawng colh nak khuapi Mocimboa da Praia ih a cang mi Muslim ruah nak luan pawl ih do nak theh ah ni 24 rei a hlo tu Sr. Ines Ramos le Sr. Eliane da Costa pawl him zet in hmuh asi zo thu, aliam zo mi Sep 6 zarhpi sunah Bishop Luiz Fernando Lisbo in a sim ih, a tang lai mi a hlo tu pawl hrangah thla cam sak dingah a sawm.

            Pemba Catholic Diocese cu biak inn pawl ur nak, minung pawl, thah nak, nauhak nunau pawl kaih tuar nak, minung ting 2 luan inn nei lo ih um nak cutivek ruah nak luan pawl ih thil tha lo tuah ank a tam vivo nak hmun a si. August 21 ah Bishop Lisboa cu Pope in a ko ih, doawknak theh hnu Sister pawl thawn pehpar in ziangthu hman thei a si hrih lo thu a sim ih cui thu ruangah Pope cu a thin a nuam loih thla a cam sak ding thu a kam tiin a sim. "Pope ih ruahsan nak, rem daih nak, pakhat le pakhat rem awk salnak thu" cu tauh ngaingai ding a si thu Bishop in a sim bet.

            Ram tin ralkap zung lam in (2017) lai ihsin Mozambique ram sak lamah thil tha lo tuah nak ruangah minung (1000) luan thah an tuar thu theih a si. Cui thil tha lo tuah nak cu Islamic ram then le Ahlu Sunna Wal mi tha lo pawlih tuah nak a si. Himi thuthang cu CNA thuthang ihsin kan ngah mi a si.

https://bit.ly/33iQ7nB