Islamic ram Syria ih Khristian pawl cu Franciscan Siangbawi pawl in an kilkhawi. October 18, 2020

Islamic ram Syria ih Khristian pawl cu Franciscan Siangbawi pawl in an kilkhawi.

October 18, 2020

              Turkey le an ram ri, Syria nitlak nak lamih Knayeh le Yacobieh khua pawl ih Khristian innsang 300 hrawng cu Franciscan Siangbawi pawl in an kilkhawi. Cui hmun cu Islamic a luar pawl Jihad ralkap pawl ih neih mi leiram a siih Sharia daan kha an suah. Cui daan ah ziangvek nunau khal siseh lu khuh nak puan hruk ding asiih zalen zetin feh a theih lo.

              Thinglamtah pawl khal siat suah a si. Franciscan Siangbawi pahnih kum 40 asimi Fr. Lvar Bsharat le kum 67 a simi Fr. Hanna Jallof pawl cu cui hmunah an um lai. Fr ih a sim nak vekcun veikhat veihnih ah kaih nak, thawi nak le meithal thawn kah nak pawl khal a um ih 2013 kum ah Fr. Francis Murad timi Siangbawi pakhat thah a tuar. A tu ah khal cui a luar mi pawlkom cu tlawng sayamah pakhat cu sual pi in an that. Siangbawi pawl cu mitinkim bawm ding an siih ralbuai nak ihsin a suak mi Muslim innsang pawl khal cui Sianbawi pawl in um nak an pe.

              "Franciscan pawlkom an din nak bik cu a thim lakah a tleu mi pakhat si ding" tiin tumtah in sumdawn nak a tha lo mi ram pawl sumpai bawmnak pawl khal an pe. In ei pawl ciin a ngah lo ruangah cui hmun ih a ummi innsang pawl cu Francis Siangbawi pawl ih bom nak an ring. Himi thuthang cu Aleteia thuthang ihsin kan ngah mi a si.

Photo courtesy of: Custody of the Holy Land / ACN

https://bit.ly/2HakeXD