Italy ah tubaite ah thing thawn sak mi Biakinn pakhat thluasuah pe in ong (February 20, 2022)

Italy ah tubaite ah thing thawn sak mi Biakinn pakhat thluasuah pe in ong

(February 20, 2022)

              Cui Biakinn cu Italy ram, Ferrara ah sak a si. Biakinn ih hmin cu “St.James” tiin an pe. Sak theh dingah innsak thiam mifim pawl in kum 10 an rei ih, a danglam zet mi Biakinn a si. A luanglu khal a danglam zet. Innsak thiam mifim cu Benedett a Tagliabue a si. Hivek adanglam mi a sak nak cu hmun le ram par khalah a bun awk thu, a lenglam ah a danglam ce mi pungsan pawl thawn an tuah nan a sunglam cu menmen ten tuah a si.

              Biakinn cu thing thawn an sak. Amah te ih tleu nak a hleice ah an ret. Thing thawn sak a si nak cu thingkung cu sersiam pek ihsin a um mi thil a si thu, a tul nak a um nak cu a thupit thk thu langter dingah a si thu, innsak mifim pawlkom in Missa tuahnak cu a hleice in tuah dingah an lungkim. Missa tuahnak cu lungto thawn an tuah ih, himi lungto parah Bawi Jesuh in a Kohhran a din timi san a lang ter.

              Cui lungto cu ser mi a silo. Amah vek rori in an hmang. Himi biakinn sak nak khuapi cu mipum 130000 lawng umnak khuapi asinan Italy ah a danglam zet mi thing ih tuah mi Biakinn a um tiin an lawm aw thei zo tiin a hleice ih tuah tu innsak thiam mifim Benedetta Tagliabue in a sim. Himi thuthang cu Rome Reports thuthang ihsin kan ton mi a si.

https://bit.ly/3BRm5bK