Italy Bishop Conference Pope Francis in on sak. (May 23, 2022)

Italy Bishop Conference Pope Francis in on sak.

(May 23, 2022)

         Conference khualtlawnnak ih feh rero nak lamzin ruat thei dingah Italy ram Bishop pawl in Pope Paul VI hall ih tuah rero mi thureltlangnak conference ah Pope Francis in a rak tong. Vatican thuthang zung ih thuthang latu ih kuat mi vek a si le vei 76 Italy ram, Bishop pawl pawlkom thureltlangnak conference (CEI) cu tlawngkai nikhat ih an tuah rero lai ah Pope Francis in Italy Bishop cu nazi pahnih rei thu a rak sim thu Rome khuapi thulehsalnak zungin a rak suah.

         “Pathian ih miphun pawl ih phuanawk mi pawl ngainak” (Listening to the Narratives of the People of God) ti mi motto hrambun in an thureltlangnak cu May 23-27 tiang an tuah mi a si. Hmaisabik ih an ruah mi cu conference synod lamtluan ah ziang mi thupit in hril ding mi pawl a suak ti mi a si thu, Italy Bishop pawl cu Rome khuapi ih um The Hilton Airport Hotel ah an tongaw ih CEI ih a lawng mi hotu dinhmun hrang ai-awh ih silhkhah dingah ai-awhtu pawl hril dingah an timlam.

         A rei hlan te ah a cem ding mi CEI hotu Cardinal Gualtiero Bassetti in tlawngkai nihnih thureltlangnak caanserh pawl a rak hoha ih ai-awhtu ding 3 ih hmin cu Italy Bishop pawl in hmin an pek ding thu a rak sim. Cu mi 3 sungin CEI hotu thar cu Pope in a hril dingih thureltlangnak ih cemnak ah CEI ih thuthannak cu tlawngkai ninga ah an tuah ding a si.

         Hi thuthang cu Vatican thuthang ih kan ngah mi a si.

https://bit.ly/3wHHeUO